rKTs

e-texts navigator

Volume

Page

174a₁ thams cad du mkhan po'i thabs su bkur zhing ltas su lta ba thams cad nges par bsgral ba'i phyir bsam pa tshul gyis rtogs par 'gyur la/ lta ba la gnas par yang mi 'gyur ro/ /dud 'gro rnams nges par bsgral ba'i phyir dud 'gro'i skye gnas thams cad du yang skye bar 'gyur
174a₂ te/ thams cad du yang mchog tu bkur bar 'gyur ro/ /smad 'tshong ma'i gnas kun tu yang snang ste/ thams cad du yang bkur la/ smad 'tshong ma'i gnas thams cad du g.yon can gyi mchog tu 'gyur ro/ /'dul ba'i sems can la phan par bya ba'i phyir bzhi mdo dang / sum mdo thams cad
174a₃ du yang snang ngo / /'dod pa'i nyes pa bstan pa'i phyir smad 'tshong ma'i gnas thams cad du yang 'jug go/ /dran pa la yang dag par dgod pa'i phyir mi gsal ba dang / glen pa'i gnas thams cad du yang 'jug par byed do/ /sems can yan lag ma tshang ba thams cad skyo ba la dgod pa'i phyir yan
174a₄ lag thams cad ma tshang bar yang ston par byed do/ /'khor ba la skyo ba bskyed pa'i phyir khams bzhi dang ldan par yang byed do/ /le lo can dang / dran pa nyams pa rnams dang / rgyags pa dang / myos pa rnams dang / brtson 'grus dang / bsam gtan dang / skyo ba la dgod pa'i phyir nad
174a₅ bzhi brgya rtsa bzhi dang ldan par yang ston to/ /bzod pa la dgod pa'i phyir gnod sems can lta bur yang 'gyur ro/ /rtag pa'i 'du shes can gyi sems can rnams la rtag pa'i nyes pa yang dag par bstan pa'i phyir bskal pa thams cad du yang 'byung ngo / /khye'u dag yongs su smin par bya ba'i
174a₆ phyir yi ge slob pa'i grwa khang thams cad du yang 'gro bar byed do/ /bu mo dag yongs su smin par bya ba'i phyir glu dbyangs kyi khang pa thams cad du yang 'gro bar byed do/ /'jig rten dang 'thun par bya ba'i phyir rgan po dang / thor bu dang / bar ma rnams kyi grogs kyang byed do/ /sems can
174a₇ yongs su smin par bya ba'i phyir bran pho dang / bran mo dang / gzhan gyis bkol bar yang 'gro'o/ /sems can yongs su smin par bya ba'i phyir nad pa dang / rgas pa dang / shi ba lta bur bdag nyid sna tshogs su yang ston to/ /sems can yongs su smin par bya ba'i phyir rin po che dang /

_{iiif viewer powered by OpenSeadragon}

173b - 174b

Texts on this page