rKTs

e-texts navigator

Volume

Page

173b₁ gzugs lta bur snang ste/ lta ba la gnas par yang mi 'gyur ro/ /gzhon nu la dad pa'i sems can rnams kyi lta ba gcad pa'i phyir gzhon nu'i gnas rnams su ni gzhon nu'i gzugs lta bur snang ste/ lta ba la gnas par yang mi 'gyur ro/ /kA t+yA'i bu'i sdig pa dang / 'tsho ba mi zad pa la
173b₂ dad pa'i sems can rnams kyi lta ba gcad pa dang / srog gcod pa bzlog pa'i phyir/ kA t+yA'i bu'i gnas rnams su ni kA t+yA'i gzugs lta bur snang ste/ lta ba la gnas par yang mi 'gyur ro/ /sems can rnams sdig pa las bzlog pa'i phyir 'byung po'i gnas rnams su ni 'byung po'i gzugs lta
173b₃ bur snang zhing lta ba can thams cad kyi lha'i gnas dang / ltad mo can dang / dge mtshan lta ba'i gnas rnams su lta ba can gyi gzugs lta bur snang ste/ lta ba la gnas par yang mi 'gyur ro/ /sha za ba dang gsod pa las bzlog pa'i phyir phag 'tshong ba'i gnas su bgegs kyi mtshan ma'i tshul ston cing
173b₄ sha 'tshong ba lta bur yang snang ngo / /sems can yongs su smin par bya ba'i phyir rigs kyis chang 'tshong ba'i nang du chang 'thung ba lta bur yang snang zhing chang gi nyes dmigs yang dag par bstan pa'i phyir rigs kyi gtso bo lta bur 'gyur zhing sems can rnams la chang gi sbyin pa byed de/ chang la chags par
173b₅ yang mi 'gyur ro/ /de bzhin du las chen po bcu drug gi nyes dmigs yang dag par bstan pa'i phyir las chen po bcu drug byed pa'i rigs rnams su skyes nas las chen po bcu drug byed pa lta bur yang snang ste/ las la chags par yang mi 'gyur ro/ /sems can yongs su smin par bya ba'i phyir
173b₆ brgyan po dang rtsed mo la yang mkhas so/ /sems can dbul po longs spyod mi zad pas bsdu ba dang / tshul khrims yongs su dag par bya ba'i phyir khyim na gnas pa'i rgyal por yang 'gyur ro/ /chung ma dang / bu dang 'dre ba yang med par bu smad kyang ston la rtag tu tshangs par spyod pa dang yang ldan zhing
173b₇ rtag tu dben pa na yang gnas te rgyan gyis bklubs la mtshan kyang yongs su gcod do/ /de na kha zas kyang za la rtag tu bsam gtan gyi zas kyis kyang 'tsho'o/ /ya mtshan can de dag gi nga rgyal dang / rgyags pa dang / dregs pa gzhom pa'i phyir ya mtshan can thams cad kyi nang du yang rab tu 'byung ste/

_{iiif viewer powered by OpenSeadragon}

173a - 174a

Texts on this page