rKTs

e-texts navigator

Volume

Page

171a₁ ba zhes bya bas bcom ldan 'das la mchod pa byas nas tshigs su bcad pa 'di smras so/ /dpa' chen chos kyi mchod sbyin can/ /sbyin pa'i tshogs ldan de bzhin gshegs/ /sems can rnams la sman slad du/ /mchod sbyin sna tshogs ston pa mdzad/ /yang dag pa'i
171a₂ mchod sbyin la phan pa'i cho ga bkod pa'i gleng gzhi'i le'u zhes bya ste sum cu bzhi pa'o/ / //sprin chen snying pos gsol pa/ sangs rgyas kyi zhing gi yang dag pa'i sa bon rab tu skyed pa zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis
171a₃ bka' stsal pa/ rin po che'i 'byung gnas kyi rnam par rgyal ba zhes bya ba'i chos kyi sgo dang / rin po che'i 'byung gnas kyi nor gyi char 'bebs pa zhes bya ba'i chos kyi sgo dang / rin po che'i 'byung gnas kyi bsod nams kyi mdzod ces bya ba'i chos kyi sgo dang / rin po che'i 'byung gnas kyi yang dag
171a₄ pa'i snying po'i blo gros zhes bya ba'i chos kyi sgo dang / rin po che'i 'byung gnas kyi lus zhes bya ba'i chos kyi sgo dang / rin po che'i 'byung gnas kyi 'od 'phro bzang po zhes bya ba'i chos kyi sgo dang / rin po che'i 'byung gnas kyi sgron ma'i 'od 'phro zhes bya ba'i chos kyi sgo dang / rin po che'i 'byung gnas
171a₅ kyi glog gi 'od kyi blo gros mi zad pa'i cod pan gyi rgyal po zhes bya ba'i chos kyi sgo dang / rin po che'i 'byung gnas la gnas pa'i gtsang sbra zhes bya ba'i chos kyi sgo dang / rin po che thams cad kyi zhing gi 'bras bu'i ro'i phung po zhes bya ba'i chos kyi sgo ste/ bcu po de dag ni sangs rgyas kyi zhing gi yang dag
171a₆ pa'i sa bon rab tu skyed pa zhes bya ba'i chos kyi sgo yin no/ /de nas de'i tshe lha mo rin chen char 'bebs zhes bya bas bcom ldan 'das la mchod pa byas nas tshigs su bcad pa 'di smras so/ /bcom ldan sangs rgyas bsod nams zhing / /'jig rten kun la thugs brtse zhing / /sems can
171a₇ rnams la sman slad du/ /zhing rnams sna tshogs ston pa mdzad/ /sangs rgyas kyi zhing gi yang dag pa'i sa bon rab tu skyed pa'i gleng gzhi'i le'u zhes bya ste sum cu lnga pa'o// //sprin chen snying pos gsol pa/ de kho na'i snying po'i tshul gyis mngon par rtse ba la dga' ba'i

_{iiif viewer powered by OpenSeadragon}

170b - 171b

Texts on this page