rKTs

e-texts navigator

Volume

Page

170a₁ khyod la mgo bos gtug / rtse ba dang bcas pa yang dag par sbas pa ston pa'i dpung bskyed pa la 'jug pa'i gleng gzhi'i le'u zhes bya ste sum cu gcig pa'o// //sprin chen snying pos gsol pa/ ye shes rtsom pa'i cho ga la zhugs pa'i rnam pa zhes bgyi ba'i
170a₂ chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ dmigs pa la mngon par brkam pa zhes bya ba'i chos kyi sgo dang / rgyan gyi rgyal po zhes bya ba'i chos kyi sgo dang / stobs 'bri bar bya ba la mngon par dga' ba zhes bya ba'i chos kyi sgo dang / mkhas
170a₃ pa'i lus mi zad pa zhes bya ba'i chos kyi sgo dang / rtse ba la mngon par chags pa zhes bya ba'i chos kyi sgo dang / sbyin pa dang rim gro'i bya ba byed pa zhes bya ba'i chos kyi sgo dang / thang la mngon par dga' ba'i sbyor ba zhes bya ba'i chos kyi sgo dang / sbyor ba'i mtshams la mngon par 'jug pa zhes bya ba'i
170a₄ chos kyi sgo dang / dga' ba'i dus tshod kyi sbyor ba la gnas pa zhes bya ba'i chos kyi sgo dang / gzhung lugs mngon pa'i gnas la gnas pa zhes bya ba'i chos kyi sgo ste/ bcu po de dag ni ye shes rtsom pa'i cho ga la zhugs pa'i rnam pa zhes bya ba'i chos kyi sgo yin no/ /de nas de'i tshe lha mo sna ma'i
170a₅ me tog la mngon par dga' ba zhes bya bas bcom ldan 'das la mchod pa byas nas tshigs su bcad pa 'di smras so/ /dpa' chen ye shes rtsom pa po/ /yang dag rtsom la rab sbyor ba/ /sems can rnams la phan bzhed pa/ /chos rnams sna tshogs ston pa mdzad/ /ye shes rtsom pa'i cho ga la zhugs
170a₆ pa'i rnam pa'i gleng gzhi'i le'u zhes bya ste sum cu gnyis pa'o/ / //sprin chen snying pos gsol pa/ ye shes kyi nor bsgrims te bsgrub pa'i mdzod ces bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ legs pa'i nan
170a₇ tan gyi sbyor ba la mkhas pa'i rin po che bsgrub pa zhes bya ba'i chos kyi sgo dang / dam pa'i chos la shin tu gus par bsgrims pa'i sems la gnas par sbyor ba zhes bya ba'i chos kyi sgo dang / bden pa'i dus tshod kyi rgyal po zhes bya ba'i chos kyi sgo dang / yang dag par zab cing brtan pa la rtse ba dang

_{iiif viewer powered by OpenSeadragon}

169b - 170b

Texts on this page