| e-texts navigator |
| བོད་ཡིག |
166b1 mchod pa 'dod pa thams cad 'thob pa la 'jug pa zhes bya ba'i chos kyi sgo dang / gnas 'og ma'i las byed pa'i thabs la 'jug pa zhes bya ba'i chos kyi sgo ste/ bcu po de dag ni mtshams sbyor ba tshogs pa'i rnam pa 'jig rten dang 'thun par 'jug par bya ba la 'jug pa'i mdo zhes bya ba'i chos kyi sgo
166b2 yin no/ /de nas de'i tshe lha'i bu sprin ces bya bas bcom ldan 'das la mchod pa byas nas tshigs su bcad pa 'di smras so/ /kye ma 'og ma'i gnas gshegs pa/ /bcom ldan dka' ba mdzad pa lags/ /nyid kyi sras la sman slad du/ /thabs kyis sku la gnas nas kyang / /yongs su mya ngan
166b3 'da' bar mdzad/ /mtshams sbyar ba tshogs pa'i rnam pa 'jig rten dang 'thun par 'jug par bya ba la 'jug pa'i mdo'i gleng gzhi'i le'u zhes bya ste nyi shu gnyis pa'o// //'phags pa sprin chen po'i mdo/ /bam po drug pa/ sprin chen snying pos gsol pa/ mngon
166b4 par rtse ba'i rin po che'i mdzod la 'jug pa zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ nyi ma 'char ka'i gtsug phud ces bya ba'i chos kyi sgo dang / snying po lnga pa la rgya cher rtse bar mngon par rgyags pa zhes bya ba'i chos kyi sgo dang /
166b5 yon tan rin po che'i mdzod mngon du 'byung ba zhes bya ba'i chos kyi sgo dang / tshul gyi mtshams bzang pos mngon par rtse ba la 'jug pa zhes bya ba'i chos kyi sgo dang / chu'i dus la zhugs pa'i stobs mi 'jig par bya ba la 'jug pa zhes bya ba'i chos kyi sgo dang / tsan dan gyi stobs kyi bde bsil la
166b6 mngon par rtse ba la 'jug pa zhes bya ba'i chos kyi sgo dang / mig mi 'dzums par smra ba zhes bya ba'i chos kyi sgo dang / ku mu da dang / zla ba lta bu'i chu dang ldan pa la mngon par rtse ba zhes bya ba'i chos kyi sgo dang / sprul po che la sogs pa'i lus la mngon par 'dod pa la 'jug pa zhes bya ba'i chos kyi
166b7 sgo dang / bsngags par bya ba shin tu mang ba la mngon par 'jug pa zhes bya ba'i chos kyi sgo ste/ bcu po de dag ni mngon par rtse ba'i rin po che'i mdzod la 'jug pa zhes bya ba'i chos kyi sgo yin no/ /de nas de'i tshe lha'i bu rigs btsun pa rnam par dag pa zhes bya bas bcom ldan 'das la mchod pa
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo