rKTs

e-texts navigator

Volume

Page

162b₁ bsam gyis mi khyab pa'i gnas zhes bya ba dang / chags pa med pa'i nan tan gyi rnam pa zhes bya ba dang / rgya mtsho zab mo'i dus shin tu nges pa'i rgyal po zhes bya ba dang / dus tshigs yid du 'ong ba la mngon par rab tu dga' ba zhes bya ba dang / nam mkha' dang mnyam pa'i ye shes kyi char
162b₂ sprin chen po'i nam mkha'i mdzod ces bya ste/ bcu po de dag ni sprin chen po'i tshogs nam mkha' las 'byung zhing 'du ba'i rnam par 'phrul pa'i rgyal po zhes bya ba'i chos kyi sgo yin no/ /de nas de'i tshe lha mo tshul la mkhas pa zhes bya bas bcom ldan 'das la mchod pa'i las byas nas tshigs su
162b₃ bcad pa 'di smras so/ /gsang srung dpa' bo chen po ste/ de bzhin gshegs pa gsang bas bsrungs/ /sems can rnams la sman slad du/ /gsang ba sna tshogs ston pa mdzad/ /sprin chen po'i tshogs nam mkha' las 'byung ba'i gleng gzhi'i le'u zhes bya ste bcu gcig pa'o// //
162b₄ sprin chen snying pos gsol pa/ sprin chen po'i glog gi 'od snang ba'i sgo zhes bgyi ba'i chos kyi sgo bcu bcom ldan 'das kyis bshad du gsol/ /bcom ldan 'das de bzhin gshegs pas mngon par rab tu 'bar bar mdzad du gsol/ /bcom ldan 'das kyis bka' stsal pa/ rin po
162b₅ che'i mdzod kyi 'od zer gyi glog gi 'od ces bya ba dang / nam mkha' la brtson 'grus snang ba'i glog gi 'od ces bya ba dang / shin tu bsrung ba zhes bya ba dang / mtshams kyi dus tshod rgyal po zhes bya ba dang / dpal gyis bsrungs pa'i blo gros 'dod pa'i blo'i rgyal po zhes bya ba dang / dri
162b₆ ma med pa'i gser gyi glog gi 'od kyi rgyal po zhes bya ba dang / bai dUr+ya'i snying po'i blo gros mi zad pa'i snang ba'i glog gi 'od ces bya ba dang / gnas la mngon par mos pa'i glog gi 'od ces bya ba dang / yon tan gyi rgya mtsho zab mo brtan pa'i glog gi 'od ces bya ba dang / yul chom du
162b₇ 'bebs pa'i glog gi 'od ces bya ba ste/ bcu po de dag ni sprin chen po'i glog gi 'od snang ba'i sgo zhes bya ba'i chos kyi sgo yin no/ /de nas de'i tshe lha mo mngon par 'tsho bar byed pa zhes bya bas bcom ldan 'das la mchod pa'i las byas te/ bcom ldan 'das kyi zhabs la mgo bos phyag

_{iiif viewer powered by OpenSeadragon}

162a - 163a

Texts on this page