rKTs

e-texts navigator

Volume

Page

161a₁ sprin chen snying pos gsol ba/ ye shes la rmongs pa'i snying po bsam gyis mi khyab pa gzung ba'i rnam par 'phrul pa'i rgyal po zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ bde bar gnyen por bya
161a₂ ba mang ba zhes bya ba dang / mi mnyam pa dang mnyam pa'i rnam par 'phrul pa'i rgyal po zhes bya ba dang / mtshungs pa med par 'gro ba'i snang ba'i sgor 'jug pa zhes bya ba dang / gzhung lugs go bar byed pa zhes bya ba dang / mthar byed pa'i tog ces bya ba dang / yang dag par brjod pa'i
161a₃ 'od ces bya ba dang / chu las shin tu 'phags par dmigs pa zhes bya ba dang / snying po dri ma med pa zhes bya ba dang / sa 'dzin 'od 'phro zhes bya ba dang / mngon par 'phags pa'i snang ba'i sgo zhes bya ba ste bcu po de dag ni ye shes la rmongs pa'i snying po bsam gyis mi khyab pa la gzud
161a₄ pa'i rnam par 'phrul pa'i rgyal po zhes bya ba'i chos kyi sgo yin no/ /de nas de'i tshe lha'i bu phreng mdzes can zhes bya bas bcom ldan 'das la mchod pa byas nas/ tshigs su bcad pa 'di smras so/ /sangs rgyas ye shes bsam mi khyab/ /kye ma sems can kun phan phyir/ /ye shes rmongs pa sna
161a₅ tshogs pa/ /de bzhin gshegs pa ston pa mdzad/ /ye shes la rmongs pa gzud pa'i gleng gzhi'i le'u zhes bya ste bdun pa'o// //sprin chen snying pos gsol ba/ ye shes zab mo brtan pa 'thob pa la 'jug pa'i rnam pa zhes bgyi ba'i chos kyi sgo bcu bcom ldan 'das
161a₆ kyis bshad du gsol/ bcom ldan 'das kyis bka' stsal pa/ shin tu yangs pa'i snying po bcu la gus par 'jug pa zhes bya ba dang / nam mkhas bsrungs pa zhes bya ba dang / dus zab mo la 'jug pa zhes bya ba dang / phra ba la dga' ba zhes bya ba dang / rgya mtsho mi bskyod pa zhes bya ba dang / ye shes kyi 'od 'phro ba'i
161a₇ 'od ces bya ba dang / ngag gi rang bzhin gtsang ba la 'jug pa zhes bya ba dang / nyon mongs pa'i bud shing tshig pa dri ma med pa la 'jug pa zhes bya ba dang / blo gros brtan pa la 'jug pa zhes bya ba dang / blo gros dri ma med pa zhes bya ba ste/ bcu po de dag ni ye shes zab mo brtan pa 'thob pa

_{iiif viewer powered by OpenSeadragon}

160b - 161b

Texts on this page