| e-texts navigator |
| བོད་ཡིག |
160b1 de nas de'i tshe lha mo rgya cher dga' ba zhes bya bas bcom ldan 'das la mchod pa'i las byas nas/ tshigs su bcad pa 'di dag smras so/ /ma skyes khyod la phyag 'tshal lo/ /de bzhin gshegs pa thabs kyi sku/ /srid par skye ba sna tshogs pa/ /dri med thams cad thub pas bstan/ /dpa'
160b2 bo chen po rtag pa'i sku/ /srid skye'i dgyes pa rgya mtsho mnga'/ /gos pa med pa'i de bzhin gshegs/ /'khor ba dag ni dge bar bzhed/ /srid par skye ba'i gleng gzhi'i le'u zhes bya ste lnga pa'o// //sprin chen snying pos gsol pa/ 'khor ba'i nyon mongs pa'i zhing
160b3 gi las kyi sa thob par bgyi ba'i slad du/ sems kyis yang dag par len pa'i rnam par grol ba'i smon lam gsang ba'i chos kyi sgo bcu bcom ldan 'das kyis rgyas par bshad du gsol/ de bzhin gshegs pas bshad du gsol/ bcom ldan 'das kyis bka' stsal pa/ 'khor
160b4 ba'i nyon mongs pa'i zhing gi 'bras bu 'thob pa zhes bya ba dang / 'khor ba'i nyon mongs pa'i zhing la dga' ba'i rgyal po zhes bya ba dang / 'khor ba'i sbyor ba la sems gnas pa zhes bya ba dang / 'khor ba la mchog tu dga' ba'i gzungs zhes bya ba dang / 'khor bar 'gro ba zhes bya ba dang /
160b5 'khor bar shin tu char 'bebs pa zhes bya ba dang / 'khor ba rgyun mi gcod pa'i rlung gi rgyal po zhes bya ba dang / 'khor ba'i chom rkun zhes bya ba dang / 'khor ba'i rtsa ba'i spyod yul dri ma med pa zhes bya ba dang / 'khor ba na yun ring du gnas pa rnams la snang bar byed pa zhes bya ste/ bcu po
160b6 de dag ni 'khor ba'i nyon mongs pa'i zhing gi las kyi sa thob par bya ba'i phyir sems kyis yang dag par len pa'i rnam par grol ba'i smon lam gsang ba'i chos kyi sgo yin no/ /de nas de'i tshe klu'i rgyal po dug med ces bya bas bcom ldan 'das la mchod pa byas nas tshigs su bcad pa 'di smras
160b7 so/ /nyon mongs 'khor ba rnyed pa che/ /sems can rnams la sman slad du/ /'khor ba'i dngos 'dra de bzhin gshegs/ /chos rnams sna tshogs ston par mdzad/ /'khor ba nyon mongs pa'i zhing gi las kyi sa 'thob pa'i gleng gzhi'i le'u zhes bya ste drug pa'o// //
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo