| e-texts navigator |
| བོད་ཡིག |
160a1 pa zhes bya ba dang / sdug bsngal zhing mi bde la bde ba zhes bya ba dang / stong zhing shin tu stong la stong pa ma yin pa zhes bya ba dang / mi rtag cing shin tu mi rtag la shin tu rtag pa zhes bya ba dang / bdag med par gyur la shin tu bdag nyid du gyur pa zhes bya ba dang / mi sdug cing
160a2 shin tu mi sdug la shin tu sdug pa zhes bya ba yod de/ nyi shu rtsa gsum po de dag ni ldem po ngag gi gzhi'i bye brag la 'jug pa la rmongs pa'i tshul can gyi chos kyi thabs kyi rgyun gyi rnam par thar pa'i sgo yin no/ /de nas de'i tshe 'khor chen po'i nang nas lha'i bu skye bo thams cad dga' ba zhes bya bas bcom
160a3 ldan 'das la lha'i mchod pa chen po byas nas tshigs su bcad pa 'di smras so/ /kye ma deng ni nyan thos kun/ /myos par byed pa'i rgyu chen byung / /sems can rnams la sman slad du/ /lha chen mtha' yas gzugs mnga' ba/ /de bzhin gshegs pa'i ldem po ngag /thugs su chud nas ston pa mdzad/ /
160a4 ldem po ngag gi gleng gzhi'i le'u zhes bya ste bzhi pa'o// //sprin chen snying pos gsol pa/ srid par skye bas rtse ba'i rnam pa la 'jug cing gnas pa bgrod pa'i gsang ba bkod pa'i rgyal po zhes bgyi ba'i chos kyi sgo bcu bcom ldan 'das kyis rgyas par bshad du gsol/
160a5 bcom ldan 'das kyis bka' stsal pa/ sprin chen snying po/ sprin chen po'i mdo la srid par skye bas rab tu dga' ba'i rgyal po zhes bya ba'i chos kyi sgo dang / srid par skye ba la 'dod cing blo gros dang ba zhes bya ba dang / srid par skye ba la sred pa zhes bya ba dang / srid par skye ba la brtsam pa med pa
160a6 zhes bya ba dang / srid par skye ba la rab tu dad pa zhes bya ba dang / srid par skye bar smon pa la mkhas pa zhes bya ba dang / srid par skye ba'i bsngags pa rjod pa zhes bya ba dang / srid par skye ba la dmigs pa'i rgyal po zhes bya ba dang / srid par skye ba la mkhas pa'i dbang phyug rgyal po zhes bya ba dang /
160a7 srid par skye ba na mi dge ba'i phyogs kyi chos rnams kyis ma gos par gnas shing 'jug pa gsang ba'i bkod pa'i rgyal po zhes bya ba'i chos kyi sgo yod de/ bcu po de dag ni srid par skye bas rtse ba'i rnam pa la 'jug cing gnas pa bgrod pa'i gsang ba bkod pa'i rgyal po zhes bya ba'i chos kyi sgo yin no/ /
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo