rKTs

e-texts navigator

Volume

Page

158a₁ par yang 'gyur ro/ /thos pa'i rgya mtshor yang 'gyur ro/ /thos pa yang dag par sogs par yang 'gyur ro/ /bla na med pa yang dag par rdzogs pa'i byang chub la som nyi mi za zhing / yid gnyis med de the tsom za bar yang mi 'gyur ro/ /mi khom pa rnams su skye bar yang
158a₂ mi 'gyur ro/ /snga ma bzhin du sbyar te/ sangs rgyas thams cad kyi yul bsam gyis mi khyab pa/ mtshungs pa med pa/ dpe med pa/ grangs med pa/ dpag tu med pa/ bgrang ba las 'das pa la bgrang ba'i rgyal por yang 'gyur ro/ /'jig rten dang 'thun par 'jug pa'i yul
158a₃ shes par yang 'gyur ro/ /de nas de'i tshe 'khor chen po'i nang nas lha'i bu dri ma med pa'i 'od kyi phreng ba can zhes bya ba lha'i bu sa ya dang / brgyad 'bum dang lhan cig tu stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das
158a₄ ga la ba de logs su thal mo sbyar ba btud de/ bcom ldan 'das kyi zhabs la mgo bos phyag 'tshal nas lha'i me tog dang / tsan dan gyi phye mas bsgo ba dag gis de bzhin gshegs pa la mngon par gtor te/ rang rang gi bla gos bcom ldan 'das kyi sku la gsol nas kha 'thun par
158a₅ tshigs su bcad pa 'di smras so/ /kye ma bcom ldan sangs rgyas ni/ /bsam yas dpag med de bzhin gshegs/ /sems can rnams la sman slad du/ /char chen rnam pa sna tshogs 'bebs/ /ting nge 'dzin gyi le'u zhes bya ste gnyis pa'o// //
158a₆ 'phags pa sprin chen po'i mdo/ bam po lnga pa/ de nas bcom ldan 'das la byang chub sems dpa' sems dpa' chen po sprin chen snying pos 'di skad ces gsol to/ /shin tu rgyas pa las phyi rol pa 'on pa lta bur gyur pa rnams kyi theg pa chen po'i rna ba'i khams yongs su rdzogs par
158a₇ bgyi ba'i slad du/ bcom ldan 'das kyis phyir mi zlog pa'i ye shes mtha' yas pa rin po che'i 'byung gnas la mngon par 'jug pa zhes bgyi ba'i gzungs kyi chos kyi sgo'i gzhi sum cu rtsa drug sngar smos te bzhag pa rgyas par bshad du gsol/ bcom ldan 'das kyis bka' stsal pa/ sprin chen

_{iiif viewer powered by OpenSeadragon}

157b - 158b

Texts on this page