rKTs

e-texts navigator

Volume

Page

156a₁ dang ldan par yang 'gyur ro/ /skye bo thams cad kyi yid du 'ong zhing cher bkur bar yang 'gyur ro/ /dran pa dang ldan par yang 'gyur ro/ /gzi byin dang ldan par yang 'gyur ro/ /shes rab dang ldan par yang 'gyur ro/ /dga' ba dang ldan par yang 'gyur ro/ /'jig rten dang
156a₂ 'thun par 'jug par yang 'gyur ro/ /'jig rten la phan par 'dod par yang 'gyur ro/ /'jig rten la bde bar yang 'gyur ro/ /'jig rten gyi thu bor yang 'gyur ro/ /'jig rten gyi gtso bor yang 'gyur ro/ /'jig rten gyi mchog tu yang 'gyur ro/ /'jig rten gyi rab tu yang 'gyur ro/ /
156a₃ 'jig rten thams cad kyis phyag bya bar 'os par yang 'gyur ro/ /'jig rten thams cad kyi mchod pa'i gnas su yang 'gyur ro/ /sbyin bdag chen por yang 'gyur ro/ /stobs chen po dang ldan par yang 'gyur ro/ /dpa' bo chen por yang 'gyur ro/ /brtson 'grus chen po dang ldan par yang 'gyur
156a₄ ro/ /byams pa'i sems dang ldan par yang 'gyur ro/ /bden par smra bar yang 'gyur ro/ /brtul zhugs brtan par yang 'gyur ro/ /brtson 'grus brtsams par yang 'gyur ro/ /byams pa la gnas par yang 'gyur ro/ /snying rje la gnas par yang 'gyur ro/ /dga' ba la gnas par yang 'gyur ro/ /btang snyoms la
156a₅ gnas par yang 'gyur ro/ /stong pa'i chos rnams la stong par smra bar yang 'gyur ro/ /stong pa ma yin pa'i chos rnams la stong pa ma yin par smra bar yang 'gyur ro/ /sangs rgyas kyi chos kyi don rtags smra bar yang 'gyur ro/ /sangs rgyas kyi de kho na'i chos kyi lta ba smra bar yang 'gyur ro/ /gtsang bar yang 'gyur ro/ /
156a₆ gtsang mas phyug par yang 'gyur ro/ /yon tan gyis phyug par yang 'gyur ro/ /tshul khrims kyis phyug par yang 'gyur ro/ /chos kyis phyug par yang 'gyur ro/ /dbrog tu med pa'i rdzas kyis phyug par yang 'gyur ro/ /skye bo dbul po slong ba la sogs pa la gter lta bur yang 'gyur ro/ /stong
156a₇ pa nyid dang / mtshan ma med pa dang / smon pa med pa'i chos rnams ston pa na mi skrag mi dngang zhing dngang bar yang mi 'gyur ro/ /sangs rgyas kyi zhing gang dang gang du skye bar bya bar sems bskyed pa de dang der skye bar yang 'gyur ro/ /rnyed pa dang / bkur sti dang / tshigs su bcad pa don du mi gnyer bar

_{iiif viewer powered by OpenSeadragon}

155b - 156b

Texts on this page