rKTs

e-texts navigator

Volume

Page

154b₁ 'bras bu yod par smra bar yang 'gyur ro/ /de bzhin gshegs pa'i chos bstan pa la ni 'bras bu med par yang 'gyur ba med do zhes med par smra bar yang 'gyur ro/ /de bzhin gshegs pa la ni gtan du yongs su mya ngan las 'das par 'gyur ba med do zhes gsal bar smra bar yang 'gyur ro/ /
154b₂ de bzhin gshegs pa'i rjes su rab tu byung ba'i sems can rnams la ni tshul khrims nyams pa med do zhes tshul khrims kyi bsngags pa brjod par yang 'gyur ro/ /de bzhin gshegs pa'i bstan pa la ni nub par 'gyur ba med do zhes nub par mi 'gyur ba'i bsngags pa brjod par yang 'gyur ro/ /de bzhin
154b₃ gshegs pa'i rigs dang rgyud dag cing yongs su dag la dri ma med pas byang chub sems dpa' ni thabs kyi rigs kyi rgyud yin no zhes lta ba phun sum tshogs par yang 'gyur ro/ /rtag tu 'khor ba la sdug par sems par yang 'gyur ro/ /'khor ba'i bsngags pa brjod par yang 'gyur ro/ /'khor
154b₄ ba'i ched du thos pa'i rgya mtshor yang 'gyur ro/ /de bzhin gshegs pa'i rigs la dmigs par 'dod par yang 'gyur ro/ /rtag tu nyon mongs pa la sems par yang 'gyur ro/ /nyon mongs pa la sdug par sems par yang 'gyur ro/ /nyon mongs pa'i sgo rnam pa sna tshogs 'thob pa la dad pa thob par
154b₅ yang 'gyur ro/ /sangs rgyas thams cad kyi phrin las kyi zhing la smon lam 'debs pa'i sems su yang 'gyur ro/ /las thams cad kyi rtsa ba ni nyon mongs pa yin no zhes rnyed pa legs par rnyed par lta bar yang 'gyur ro/ /sangs rgyas kyi rtag pa nyid la yang som nyi mi za zhing yid gnyis med la the tsom za bar
154b₆ yang mi 'gyur ro/ /'khor ba la mngon par dga' bar yang 'gyur ro/ /'khor ba la mos par yang 'gyur ro/ /bdag sangs rgyas su 'gyur bar bya'o/ /zhes rtag tu dad pa'i sems su yang 'gyur ro/ /bdag gis chos kyi 'khor lo bskor bar bya'o/ /bdag gis sems can
154b₇ rnams dgrol bar bya'o/ /bdag gis sangs rgyas kyi gdung mi 'chad par bya'o zhes dam 'cha' zhing smon lam 'debs te byang chub sems dpa' ded dpon du yang 'gyur ro/ /bdud kyi sman par yang 'gyur ro/ /'khor ba'i nyon mongs pa'i rgya mtsho'i ston pa por yang 'gyur ro/ /'khor ba'i nyon

_{iiif viewer powered by OpenSeadragon}

154a - 155a

Texts on this page