rKTs

e-texts navigator

Volume

Page

144b₁ ba la mngon par 'jug cing 'gro ba'i tshe bar snang lta bur yang 'gyur ro/ /de dang de mngon par rtogs pas pad ma lta bur gos pa med par yang 'gyur ro/ /sems nam mkha' dang mtshungs pa'i phyir mi gnas par yang 'gyur ro/ /chos thams cad la nges par 'bigs pa'i phyir rdo rje lta bur
144b₂ yang 'gyur ro/ /de bzhin gshegs pa'i yon tan gyi che ba nyid rtag pa dang / ther zug pa dang / brtan pa thos na mi g.yo ba'i phyir ri lta bur yang 'gyur ro/ /de bzhin gshegs pa'i rigs dang rgyud la ye shes rnam par dag pa'i phyir bai dUr+ya lta bur yang 'gyur ro/ /nyon mongs pa'i rnyog
144b₃ pa sel ba'i phyir rgya mtsho dug can pa'i gser gyi pha bong lta bur yang 'gyur ro/ de bzhin gshegs pa'i rtag pa dang / ther zug pa dang / brtan pa'i rang bzhin mthong ba'i phyir zla ba lta bur yang 'gyur ro/ /de bzhin gshegs pa'i chos las mi g.yo ba'i phyir ri lta bur yang 'gyur ro/ /de
144b₄ bzhin gshegs pa gtan du mya ngan las mi 'da' zhing chos nub par mi 'gyur ba thos nas mi g.yo ba'i phyir sgo'i them pa lta bur yang 'gyur ro/ /yang dag pa mthong ba'i phyir sems brtan zhing gnas par yang 'gyur ro/ /sems mi phyed pa'i phyir rdo rje lta bur yang 'gyur ro/ /mngon sum
144b₅ du yon tan mang po 'thob pa mang bar yang 'gyur ro/ /ngo tsha shes pa dang khrel yod pa dang ldan par yang 'gyur ro/ /mdzes par yang 'gyur ro/ /blta na sdug par yang 'gyur ro/ /brkam pa med par yang 'gyur ro/ /lus chung ngur yang mi 'gyur ro/ /kha dog bzang po rgyas pa mchog dang
144b₆ ldan par yang 'gyur ro/ /rigs mthon por skye bar yang 'gyur ro/ /rigs chen por skye bar yang 'gyur ro/ /'khor mang bar yang 'gyur ro/ /'khor mi phyed par yang 'gyur ro/ /bla na med pa yang dag par rdzogs pa'i byang chub las mi nyams shing yongs su nyams par yang mi 'gyur ro/ /
144b₇ kha zas la brkam par yang mi 'gyur ro/ /sha'i kha zas kyang rnam par spong bar yang 'gyur ro/ /blo gros dang ldan par yang 'gyur ro/ /skye bo thams cad kyi yid du 'ong zhing cher bkur bar yang 'gyur ro/ /dran pa dang ldan par yang 'gyur ro/ /gzi byin dang ldan par yang

_{iiif viewer powered by OpenSeadragon}

144a - 145a

Texts on this page