rKTs

e-texts navigator

Volume

Page

142b₁ bka' stsal pa/ sprin chen snying po legs so legs so/ /'di lta bu'i sprin chen po mngar ba bzhi ro thams cad dang 'dres pa'i char rtag tu 'bebs par 'dod pas ni sprin chen po rdo rje'i mdo gzung bar bya'o/ /gzhan dag la yang rgya cher bshad par bya'o/ /shin tu dga' ba yang bskyed par
142b₂ bya'o/ /de la mngon par brtson par yang bya'o/ /sprin chen snying po sprin chen po'i mdo las rnam par thar pa bsam gyis mi khyab pa la gnas pa rin po che'i mdzod kyi 'byung gnas/ chos kyi rnam par 'phrul pa'i rgyal po zhes bya ba'i ting nge 'dzin gyi sgo bzhi brgya rgyas par nyon cig /sprin chen snying
142b₃ po sprin chen po'i mdo la zab mo brtan pa'i chu'i rgya mtsho'i dus tshod ces bya ba'i ting nge 'dzin yod de/ ting nge 'dzin de dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur ro/ /ting nge 'dzin yang dag par sogs par yang 'gyur ro/ /thos pa'i rgya mtshor
142b₄ yang 'gyur ro/ /thos pa yang dag par sogs par yang 'gyur ro/ /bla na med pa yang dag par rdzogs pa'i byang chub la som nyi mi za zhing yid gnyis med pa the tsom za bar yang mi 'gyur ro/ /mi khom pa rnams su skye bar yang mi 'gyur ro/ /tshe rabs dran par yang 'gyur ro/ /'khor ba'i
142b₅ las kyi zhing gi rgya mtsho la sred par yang 'gyur ro/ /tshe rabs thams cad du tha na rmi lam na yang sangs rgyas mthong ba dang 'bral bar yang mi 'gyur ro/ /de dag gi dge ba'i chos rnams la bar chad bya ba'i phyir bdud sdig can glags lta ba dang skabs tshol bas glags rnyed par yang mi 'gyur ro/ /
142b₆ nga rgyal choms par yang 'gyur ro/ /gzungs thob par yang 'gyur ro/ /de bzhin gshegs pa'i ldem po ngag dpyod pa la mkhas par yang 'gyur ro/ /chos thams cad kyi gsang ba'i sgor 'jug par yang 'gyur ro/ /de bzhin gshegs pa'i gter yang dag par ston par yang 'gyur ro/ /
142b₇ de bzhin gshegs pa'i tshul la 'jug par yang 'gyur ro/ /de bzhin gshegs pa'i rgya mtsho'i chu srin du yang 'gyur ro/ /de bzhin gshegs pa'i gzhung lugs kyi nang du chud par yang 'gyur ro/ /de bzhin gshegs pa'i sgyu 'phrul gsang ba'i srungs mar yang 'gyur ro/ /de bzhin gshegs

_{iiif viewer powered by OpenSeadragon}

142a - 143a

Texts on this page