rKTs

e-texts navigator

Volume

Page

140a₁ de ring 'bar zhing mchis par bgyis/ /rgya shug 'dzam bu kam pa ri/ /skyu ru bel la se'u shing nags/ /ten du ka dang pa ka sa/ /mngar zhing zhim pa'i shing ljon dang / /'bra ko'i shing mang rgun shing tshogs/ /bal bu dang ni sa brtol mang / /ma ni ka ra dong ka dang / /
140a₂ shing ljon tshogs kyis 'od ma'i tshal/ /de ring snang zhing mchis par bgyis/ /a ga ru yi shing dag dang / /tam la 'dab rab mdzes dang / /gur kum dang ni phur mo dang / /sa bon tshogs ni mang po dang / /gor shi sha dang tsan dan dmar/ /ha ri'i tsan dan du ma dang / /shing ljon
140a₃ tshogs kyis 'od ma'i tshal/ /de ring snang zhing mchis par bgyis/ /skyed mos tshal dang nags tshal dang / /rdzing bu mtsho mang dag na yang / /dus tshigs kun gyi ud pal tshogs/ /me tog rgyas pas 'od ma'i tshal/ /de ring snang zhing mchis par bgyis/ /rin chen kun gyi shing
140a₄ ljon dang / /rin chen 'khri shing yongs su 'khri/ /rin chen kun gyi ud pal gyi/ /me tog tshogs rnams de ring mdzes/ /sangs rgyas mthus ni de ring du/ /'di ltar nyi zla'i dkyil 'khor dag /'jig rten khams ni mang por yang / /dkon pa'i las mang bgyis pa gda'/ /
140a₅ 'jig rten khams ni mang po dag /me long gi ni dkyil 'khor ltar/ /sems can bye ba mang po yis/ /'di na mchis bzhin gsal bar mthong / /ngang pa khrung khrung ngur par bcas/ /shang shang te'u ni mang po dang / /ka ran da ba rma bya dang / /de bzhin khu byug ku na la/ /bung ba mtha'
140a₆ yas bung bung sgrogs/ /rgyal po'i khab tu de ring ni/ /bya rnams rnam pa du ma dag /skad snyan 'byin cing sgrogs par bgyid/ /gnag pa dang ni ljang khu'i mdog /mdog sdug dang ni sngo ba dang / /pad ma dkar po'i mdog can gyi/ /ngang mchog glang chen seng ge rnams/ /seng
140a₇ ge'i sgra ni sgrogs bgyid cing / /rgyal po'i khab ni de ring mdzes/ /'dzam gling yul 'khor bcas pa dang / /lung par bcas dang tshong rdal bcas/ /'byor rgyas dag la sems can rnams/ /lha yi bde ba'i longs spyod spyad/ /sems dga' mos shing rab tshim nas/ /sems

_{iiif viewer powered by OpenSeadragon}

139b - 140b

Texts on this page