rKTs

e-texts navigator

Volume

Page

139b₁ gdan mchog mdzes gyur te/ /nor bu rin chen bye mang spras/ /yon tan mtha' yas brgyan pa yi/ /sa gzhi lha yi gos kyis bkab/ /bab la ldong ros mugs mtshal gyis/ /legs bris 'byes par byas pa la/ /gser dang nor bu bai dUr+ya/ /shel rnams kyis ni yongs
139b₂ su spras/ /bya rgod phung po mchog gyur pa/ /gangs kyi ri yi rtse brgya dag /rab tu 'bar bas mdzes par byas/ /dpal dang ldan pa'i grong khyer 'di/ /lha yi rin chen bla yi tshogs/ /dgra khang dag kyang legs par bcas/ /khang gzhal med khang mang gis/ /kho
139b₃ ra yug nas mdzes par gyur/ /mtsho bran dang ba rdzing chen mchog /rdzing bu'i chus ni yul rnams brgyan/ /bder 'jug 'bab stegs rdzing chen mang / /rgyal po'i khab ni de ring du/ /lha yi grong khyer bzhin du mdzes/ /rnga dang dung dang dril bu dang / /pi bang rgyud bcas ma sbrengs
139b₄ par/ /sgra chen sgrogs par 'byung ba 'di/ /ngo mtshar rmad du byung ba lags/ /lus bde yid dang 'thad pa yi/ /ser bu'i ngad kyang ldang bar gyur/ /bar snang mkha' las 'brug sgra sgrogs/ /glog mang thams cad rnam par 'gyu/ /rin chen gang ba'i chu rgyun 'bab/ /de dag
139b₅ tshul gyis char 'bab cing / /sems can mi gnod 'thun par bsil/ /srog chags phra mo sdig sbrul sbrang / /de ring rab dga' mgu zhing rtse/ /le brgan rtsi dang sa la dang / /a ti mug ta ti la ka pun na ka dang ke ta dang / /ku ru ba ka ke sa ra/ /dri zhim pa dang nag dang / /
139b₆ a ga ru dang dong ka yis/ /'od ma'i tshal ni de ring du/ /shin tu snang zhing mchis par bgyis/ /ba ku la dang tsam pa ka /thang shing pri ya ku yi shing / /gseng phrom dang ni nyo ti dang / /sgron shing dang ni yongs 'du dang / /shing ljon tshogs kyis 'od ma'i tshal/ /de ring snang zhing
139b₇ mchis par bgyis/ /a mra ta la ka pid tha/ /pa na sa dang tsan dan dmar/ /ba mngal shing ni dri zhim gyis/ /'od ma'i tshal ni deng snang bgyis/ /sra rtsi shing mchog ba rang ga /ang tsu ka dang ke sa ri/ /mya ngan 'tshang dang tsam pa ka /dmar ser gyis ni 'od ma'i tshal/ /

_{iiif viewer powered by OpenSeadragon}

139a - 140a

Texts on this page