rKTs

e-texts navigator

Volume

Page

138b₁ phan tshun 'khrol bar byed do/ /rin po che thams cad kyi ud pa la dang / ku mu da dang / pad ma dkar po rnams kyang zla ba dang / nyi ma'i gzi brjid kyi 'od rnams kyis phye ba ltar rgyas par gyur to/ /dpe med pa'i spos mang pos bsgos shing me tog gis gang ste mngon par khebs par
138b₂ gyur pa'i sa gzhi la mi ma yin pa rnams 'chag par gyur to/ /'dzam bu'i gling 'di na gnas pa'i 'khor chen po de dang / sems can thams cad kyis kyang me long gi ngos la ji lta ba bzhin du 'jig rten gyi khams thams cad rgyas par mthong ngo / /de nas de'i tshe dud 'gro'i skye gnas su
138b₃ skyes pa thams cad kyang theg pa chen po 'dod pa'i sems dang / theg pa chen pos skom pa'i sems dang / theg pa chen po la dad pa'i sems dang / gcig la gcig ma dang / sring mo dang / bu ji lta ba bzhin du sems shin tu sbyangs shing rab tu brtan par gyur nas mngon par gar byed
138b₄ cing skad 'byin te bcom ldan 'das la sri zhu byed pa la zhugs so/ /de nas de'i tshe de bzhin gshegs pa'i rnam par 'phrul pas 'khor chen po lha dang / klu dang / gnod sbyin dang / nam mkha' lding dang / mi 'am ci dang / lto 'phye chen po dang / dri za dang / lha ma yin dang / srin po dang /
138b₅ grul bum dang / 'byung po dang / gcod byed kyi bu dang / brgya byin dang / 'jig rten skyong ba dang / tshangs pa dang / nags tshal gyi lha dang / bya dang / rig sngags 'chang dang / 'dod dgur sgyur ba'i gzugs can gyi lha mo'i tshogs 'dres pa dang / de bzhin gshegs pa'i
138b₆ rnam par 'phrul pas 'dzam bu'i gling shin tu rgyas par gyur pa dang / 'jig rten gyi khams sprul pa thams cad mthong nas ched du bsams te de bzhin gshegs pa la lha'i me tog gi sprin gyi char mngon par phab bo/ /lha'i spos kyi sprin gyi char yang mngon par phab bo/ /lha'i phye ma'i sprin
138b₇ gyi char yang mngon par phab bo/ /lha'i me tog phreng gi sprin gyi char yang mngon par phab bo/ /lha'i rin po che'i sprin gyi char yang mngon par phab bo/ /lha'i gdugs kyi sprin gyi char yang mngon par phab bo/ /lha'i gos dang / rgyal mtshan dang / ba dan gyi sprin gyi char yang mngon par

_{iiif viewer powered by OpenSeadragon}

138a - 139a

Texts on this page