| e-texts navigator |
| བོད་ཡིག |
131a1 po sprin chen snying pos bcom ldan 'das la 'di skad ces gsol to/ /bcom ldan 'das bdag gis de bzhin gshegs pa dgra bcom pa yang dag par rdzogs pa'i sangs rgyas rnams la zhu ba lung bstan pa'i slad du dam bcas shing smon lam btab pa ma lags kyi/
131a2 bcom ldan 'das bdag gis ni de bzhin gshegs pa'i mthus sems can thams cad bsod nams sogs par bgyi ba'i slad du/ de bzhin gshegs pa dgra bcom pa yang dag par rdzogs pa'i sangs rgyas la zhu ba lung bstan pa'i slad du mtshungs pa ma mchis pa'i mdo'i rgyal po'i
131a3 gter dang / sems can thams cad kyi mi zad pa'i gter gyi dam bcas shing smon lam btab pa lags so/ /dmus long lta bu'i sems can rnams kyi ye shes kyi mig gi mar me bcom ldan 'das kyis bstan du gsol/ sems can thams cad kyi shes rab kyi gter bcom
131a4 ldan 'das kyis bshad du gsol/ sems can thams cad de bzhin gshegs pa'i yon tan rtag pa dang / ther zug pa dang / brtan pa dang / zhi ba dang / dam pa'i chos brtan pa'i gter gnas par mdzad du gsol// //'phags pa sprin chen
131a5 po'i mdo/ bam po gsum pa/ de skad ces gsol nas bcom ldan 'das kyis byang chub sems dpa' sems dpa' chen po sprin chen snying po la 'di skad ces bka' stsal to/ /sprin chen snying po legs so legs so/ /sprin chen snying po khyod kyis de bzhin gshegs pa dgra
131a6 bcom pa yang dag par rdzogs pa'i sangs rgyas rnams la khyod dang 'tsham pa'i tshig gi don phra zhing zab mo'i tshig dang / yi ge spel ba dang / sems can thams cad kyi de bzhin gshegs pa'i yon tan gyi che ba nyid rtag pa'i mtshan nyid dang / dam pa'i chos brtan pa'i gter dang /
131a7 khyod dang 'dra ba dag gis mtshungs pa med pa'i mdo'i rgyal po'i gter dang / dam pa'i chos brtan pa'i gter dang / sems can thams cad kyi bdud rtsi mi zad pa'i gter de bzhin gshegs pa la zhus pa legs te sems can thams cad kyi gter brtan par bzhag pa ngas
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo