rKTs

e-texts navigator

Volume

Page

129a₁ de kho na nyid mkhyen pa dang / ro dang / kha zas zhim po dang / bde bar byed pa'i bsnyen bkur ba dang / che ba la 'os pa'i mal stan bde ba dang / btung ba dang / khrus dang / spos dang / me tog phreng dang / phye mas bsgo ba dang / bdug pa dang gos kyi mchog phra
129a₂ zhing shin tu phra ba dang / rab tu mdzes pa yang dag par bstan pa'i don dang / de bzhin gshegs pa'i sku chos kyi sku yin par yang dag par bstan pa'i don du khyod kyis tshig 'di legs par spras pa ni yang legs so/ /de bzhin gshegs pa'i sku de yang shin tu zab pa'i mtshan te/
129a₃ mtshan nyid gcig pa yang ma yin/ mtshan gyi gzhi med pa yang ma yin/ mtshan gyi gzhi mngon pa yang ma yin/ rtogs par 'gyur ba yang ma yin/ rtogs par mi 'gyur ba yang ma yin/ tshu rol na yang ma yin/ pha rol na yang ma yin/ bar na yang ma yin/ thog ma
129a₄ yang ma yin/ thog ma med pa na yang ma yin/ 'di na yang ma yin/ gzhan na yang ma yin/ rtag pa yang ma yin/ mi rtag pa yang ma yin/ tshad mar bya ba yang ma yin/ tshad mar mi bya ba yang ma yin/ mtshan mo yang ma yin/ mtshan mo ma yin pa yang ma yin/ chung ngu
129a₅ yang ma yin/ chung ngu ma yin pa yang ma yin/ yang ba yang ma yin/ yang ba ma yin pa yang ma yin/ rnam par shes par bya ba yang ma yin/ rnam par shes par mi bya ba yang ma yin/ rnam par shes pas shes par bya ba yang ma yin/ rnam par shes pas shes par mi bya ba yang
129a₆ ma yin/ mi gnas pa yang ma yin/ mi gnas pa ma yin pa yang ma yin/ mun pa yang ma yin/ snang ba yang ma yin/ ming yang ma yin/ mtshan ma yang ma yin/ mthu chung ba yang ma yin/ stobs dang ldan pa yang ma yin/ yul na gnas pa yang ma yin/
129a₇ phyogs na gnas pa yang ma yin/ dge ba yang ma yin/ mi dge ba yang ma yin/ 'dus byas kyang ma yin/ 'dus ma byas kyang ma yin ga zhig na yod do zhes brjod du rung ba yang ma yin/ sbyin par yang ma yin/ len par yang ma yin/ tshig tu brjod du rung ba

_{iiif viewer powered by OpenSeadragon}

128b - 129b

Texts on this page