rKTs

e-texts navigator

Volume

Page

128a₁ ba'i dbang gis nyon mongs pa'i rgya mtshor skye bar bstan te/ rgal nas bsgral bar bya'o/ /grol nas dgrol bar bya'o snyam nas bstan pa'i gsang ba'i khyad par gyi sgo'i rang bzhin dag mthong bar yang 'gyur ba dang / sangs rgyas thams cad kyi yun ring po bskal pa bye ba
128a₂ bgrangs pa mang po 'das pa nas bdud bye ba rab tu bcom pa'i rnam pa gsang ba'i de kho na mthong bar yang 'gyur ba dang / sangs rgyas thams cad kyis sems can 'dul ba'i dbang gi byang chub kyi shing drung du bdud 'dul ba'i gsang ba'i khyad par gyi sgo'i rang bzhin ston pa lta bur bcos pa
128a₃ legs par mthong bar yang 'gyur ba dang / thabs kyis chos kyi 'khor lo bskor ba dang / thabs kyis yongs su mya ngan las 'das pa lta bur bcos pa'i de kho na mthong bar yang 'gyur ba dang / sangs rgyas thams cad rol pa'i gsang ba'i rgyal po'i mchog tu yang 'gyur ba dang /
128a₄ sangs rgyas thams cad kyi yul bsam gyis mi khyab pa/ mtshungs pa ma mchis pa/ dpe ma mchis pa/ grangs ma mchis pa/ dpag tu ma mchis pa/ bgrang ba las 'das pa la bgrang ba'i rgyal por yang 'gyur ba'i byang chub sems dpa'i mdo gang lags/ de skad ces
128a₅ gsol nas/ bcom ldan 'das kyis byang chub sems dpa' sprin chen snying po la 'di skad ces bka' stsal to/ /sprin chen snying po legs so legs so/ /sprin chen snying po khyod sems can thams cad la phan pa dang / bde ba dang / sems can dmus long du gyur pa rnams la de bzhin
128a₆ gshegs pa thams cad kyi yon tan gyi che ba nyid kyi bsngags pa brjod pa'i de kho na shes pa'i mig gi rgyu'i don dang / rtag tu mig mthong bar bya ba'i don dang / 'khor ba'i nyon mongs pa'i rgya mtsho'i pha rol tu nges par bsgral ba'i don dang / de bzhin gshegs pa thams cad kyi byang chub sems
128a₇ dpa'i spyod pa yongs su shes par bya ba'i don dang / 'khor ba'i rgya mtsho'i nyon mongs pa'i sgo nga'i sbubs yongs su brtol te/ byang chub sems dpa'i spyod pa'i rjes su yang dag par bslabs nas phyir yang 'khor ba'i rgya mtsho'i nyon mongs pa'i sgo nga'i sbubs su thabs kyis 'jug par bya ba'i

_{iiif viewer powered by OpenSeadragon}

127b - 128b

Texts on this page