rKTs

e-texts navigator

Volume

Page

127b₁ byug pa dang / phye mas gdab pa dang / khyim pa'i longs spyod dang / yongs su spyad pa rnam pa du ma dag dang / chung ma dang lhan cig 'dod pa'i yon tan spyad kyang shin tu tshangs par spyod par yang 'gyur ba dang / srog gcod pa dang / rku 'phrog bgyid pa dang / gyi tshig dang /
127b₂ skyems 'tshal ba la sogs pa la rten cing las rnams bgyid la bu dang / chung ma rnams sten kyang shin tu tshangs par spyod par yang 'gyur ba dang / de bzhin gshegs pa thams cad kyis mchod par yang 'gyur ba dang / de bzhin gshegs pa thams
127b₃ cad kyis rjed par yang 'gyur ba dang / de bzhin gshegs pa thams cad kyis cher bkur bar yang 'gyur ba dang / de bzhin gshegs pa thams cad kyis sdug par bya ba'i sras su yang 'gyur ba dang / de bzhin gshegs pa thams cad la byas pa gzo ba'i bgo skal la spyod par yang 'gyur ba dang / de bzhin gshegs pa thams
127b₄ cad kyi phrin las mtshungs pa'i chos kyi de kho na mthong bar yang 'gyur ba dang / sangs rgyas thams cad kyi ye shes kyi yang dag par rtog pa mtshungs par yang 'gyur ba dang / sangs rgyas thams cad kyi chos gsang ba rnam pa mang po lung bstan pa'i yul spyis btsan pa'i rgyal por yang 'gyur ba
127b₅ dang / sangs rgyas thams cad kyi gsang ba'i chos ston pa rnam pa du ma brjod par yang 'gyur ba dang sangs rgyas thams cad kyis bzhed pa'i nga rgyal la gnas pa'i yul la mkhas par yang 'gyur ba dang / sangs rgyas thams cad kyi 'dod chags ma mchis pa dang / dri ma ma mchis pa dang /
127b₆ 'jigs pa ma mchis pa gsang ba rnam pa mang po'i chos ston pa'i rang bzhin dag la rin po che lta bur yang 'gyur ba dang / sangs rgyas thams cad kyi sems can gdul ba'i dbang gis 'dod chags dang / zhe sdang dang / gti mug dang / 'jigs pa'i chos kyi phyogs thams cad la 'jug
127b₇ pa yang dag par mthong bar yang 'gyur ba dang / sangs rgyas thams cad yun ring po bskal pa bye ba bgrangs pa mang po nas rgal nas nyon mongs pa'i rgya mtsho las grol bar mdzad pa'i gsang ba thams cad kyi de kho na mthong bar yang 'gyur ba dang / sangs rgyas thams cad kyi sems can 'dul

_{iiif viewer powered by OpenSeadragon}

127a - 128a

Texts on this page