rKTs

e-texts navigator

Volume

Page

124b₁ gsang ba'i srungs mar yang 'gyur ba dang / de bzhin gshegs pa'i gsung brjod par yang 'gyur ba dang / de bzhin gshegs pa'i dmigs pa la rnal 'byor par yang 'gyur ba dang / de bzhin gshegs pa'i nyi ma'i 'od zer du yang 'gyur ba dang / de bzhin gshegs pa'i zla ba'i
124b₂ dkyil 'khor gyi gzir yang 'gyur ba dang / de bzhin gshegs pa'i tog gi rtse mo'i mchog tu yang 'gyur ba dang / de bzhin gshegs pa'i mtshams 'dzin par yang 'gyur ba dang / de bzhin gshegs pa'i phrin las la brtson par yang 'gyur ba dang / de bzhin gshegs pa'i
124b₃ rtsal gyi shugs su yang 'gyur ba dang / de bzhin gshegs pa'i mu stegs la nges pa'i pad ma dkar por yang 'gyur ba dang / de bzhin gshegs pa'i dgyes pa la dga' bar yang 'gyur ba dang / de bzhin gshegs pa'i mdzod kyi dkor bar yang 'gyur ba dang / de bzhin
124b₄ gshegs pa la rtag pa nyid du mthong bar yang 'gyur ba dang / de bzhin gshegs pa'i rtag pa dang / ther zug pa nyid shin tu gsal bar mthong nas bdag nyid bsngags pa brjod pa'i rgyal por yang 'gyur ba dang / de bzhin gshegs pa ni ther zug pa'i sku yin no zhes ther zug
124b₅ tu smra bar yang 'gyur ba dang / de bzhin gshegs pa'i zhi ba'i rang bzhin la mngon par dga' ba'i lta ba phun sum tshogs par yang 'gyur ba dang / de bzhin gshegs pa ni rtag pa/ ther zug pa dang / brtan pa dang / zhi ba'o zhes rnam pa thams cad du lta ba'i rgya mtsho thams cad
124b₆ du yang 'gyur ba dang / de bzhin gshegs pa'i sku ni chos kyi sku yin no zhes de kho na mthong bar yang 'gyur ba dang / de bzhin gshegs pa'i rdo rje'i sku ni mi phyed pa'i sku yin no zhes yang dag par mthong bar yang 'gyur ba dang / de bzhin gshegs pa'i sku ni rus pa ma yin zhing
124b₇ sha ma yin la khrag ma yin te rgyus pa ma yin no zhes stong pa nyid du smra bar yang 'gyur ba dang / de bzhin gshegs pa'i chos bstan pa ni 'bras bu yod pa yin no zhes 'bras bu yod par smra bar yang 'gyur ba dang / de bzhin gshegs pa'i chos bstan pa la ni 'bras bu med par 'gyur

_{iiif viewer powered by OpenSeadragon}

124a - 125a

Texts on this page