rKTs

e-texts navigator

Volume

Page

124a₁ lung bstan pa'i slad du bcom ldan 'das kyis bdag la skabs phye na/ bcom ldan 'das la bdag phyogs 'ga' zhig zhu'o/ /de skad ces gsol nas/ bcom ldan 'das kyis byang chub sems dpa' sems dpa' chen po sprin chen snying po la 'di skad ces bka' stsal to/ /
124a₂ sprin chen snying po khyod de bzhin gshegs pa la ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ /de skad ces bka' stsal nas/ byang chub sems dpa' sems dpa' chen po sprin chen snying pos/ bcom ldan 'das la 'di skad
124a₃ ces gsol to/ /bcom ldan 'das byang chub sems dpa' rnams mdo gang dang ldan na ting nge 'dzin gyi rgya mtshor yang 'gyur ba dang / ting nge 'dzin yang dag par sogs par yang 'gyur ba dang / thos pa'i rgya mtshor yang 'gyur ba dang / thos pa yang dag par sogs par yang 'gyur ba
124a₄ dang / bla na med pa yang dag par rdzogs pa'i byang chub la som nyi mi 'tshal zhing yid gnyis ma mchis la the tshom 'tshal bar yang mi 'gyur ba dang / mi khom pa rnams su skye bar mi 'gyur ba dang / tshe rabs dran par yang 'gyur ba dang / 'khor ba'i las kyi zhing gi rgya mtsho la sred par
124a₅ yang 'gyur ba dang / tshe rabs thams cad du tha na rmi lam na yang sangs rgyas mthong ba dang 'bral bar yang mi 'gyur ba dang / de dag gi dge ba'i chos rnams la bar chad bgyi ba'i slad du bdud sdig can glags lta ba dang / skabs tshol bas glags rnyed par yang mi 'gyur ba dang / nga
124a₆ rgyal choms par yang 'gyur ba dang / gzungs thob par yang 'gyur ba dang / de bzhin gshegs pa'i ldem po dag dpyod pa la mkhas par yang 'gyur ba dang / chos thams cad kyi gsang ba'i sgor 'jug par yang 'gyur ba dang / de bzhin gshegs pa'i gter yang dag par
124a₇ ston par yang 'gyur ba dang / de bzhin gshegs pa'i tshul la 'jug par yang 'gyur ba dang / de bzhin gshegs pa'i rgya mtsho'i chu srin du yang 'gyur ba dang / de bzhin gshegs pa'i gzhung lugs kyi nang du chud par yang 'gyur ba dang / de bzhin gshegs pa'i sgyu 'phrul

_{iiif viewer powered by OpenSeadragon}

123b - 124b

Texts on this page