| e-texts navigator |
| བོད་ཡིག |
121b1 tog dang rnam par 'dres pa'i dri bsung zhim po'i ngad gtong zhing / rlung gi rgyal po chen po rnams kyis bcom ldan 'das la sri zhu bya ba'i phyir sprin chen po rab tu 'gyed de/ bcom ldan 'das seng ge'i sgra chen po sgrogs shing chos ston pa mnod pa'i phyir stod do// //
121b2 'phags pa sprin chen po'i mdo/ bam po gnyis pa/ yang de'i tshe ngang pa'i rgyal po seng ge ltar dpa' ba zhes bya ba ngang pa 'bum phrag du ma dang lhan cig tu phye ma red kyi dus kyi tshe rang rang gi gnas nas byung nas/ bcom ldan 'das ga la ba der dong ste lhags nas rang rang gi 'dab ma
121b3 thal mo'i thabs su sbyar te/ bcom ldan 'das kyi zhabs la mgo bos phyag 'tshal nas/ slob dpon dang slob mas legs par bsgrubs pa'i sil snyan stong gi glu dbyangs lta bur skad 'thun par 'byin cing / ngang pa'i tshogs kyis bcom ldan 'das la sri zhu bya ba'i phyir bcom ldan 'das la lan
121b4 gsum bskor ba byas nas 'od ma'i tshal bya ka lan da ka gnas pa'i phyogs gcig tu go bzung ngo / /yang de'i tshe rma bya'i rgyal po blta na 'od chags zhes bya ba rma bya'i rigs 'bum phrag du ma dang lhan cig tu phye ma red kyi dus kyi tshe rang rang gi gnas nas byung nas/ bcom ldan 'das ga la ba der dong ste
121b5 lhags nas rang rang gi 'dab ma thal mo'i thabs su sbyar te/ bcom ldan 'das kyi zhabs la mgo bos phyag 'tshal nas lha dang / dri za'i slob dpon dang slob mas legs par bsgrubs pa'i sil snyan stong gi glu dbyangs lta bur mgrin pa bltams te skad snyan cing 'thun pa 'byin te/
121b6 rma bya'i tshogs kyis bcom ldan 'das la sri zhu bya ba'i phyir/ bcom ldan 'das la lan gsum bskor ba byas nas 'od ma'i tshal bya ka lan da ka gnas pa'i phyogs gcig tu go bzung ngo / /yang de'i tshe khu byug gi rgyal po sde bdag ces bya ba khu byug gi rgyal po 'bum phrag du ma dang
121b7 lhan cig tu phye ma red kyi dus kyi tshe rang rang gi gnas nas byung nas/ bcom ldan 'das ga la ba der dong ste lhags nas rang rang gi 'dab ma thal mo'i thabs su sbyar te/ bcom ldan 'das kyi zhabs la mgo bos phyag 'tshal nas sil snyan stong dang 'dra ba'i sgra phyung ste ca co'i sgra bton nas/
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo