| e-texts navigator |
| བོད་ཡིག |
120b1 ba der dong ste lhags nas/ bcom ldan 'das kyi zhabs la mgo bos phyag 'tshal te/ khor yug khebs pa tsam gyi me tog sil ma dag gis de bzhin gshegs pa la mngon par gtor te sil snyan rnams brdungs nas/ tsan dan gyi phye ma dang / byug pa dag gis gtor te/
120b2 rgyal po'i khab dang bcas/ bya rgod kyi phung po'i ri dang bcas/ 'od ma'i tshal bya ka lan da ka gnas pa dang bcas pa/ bsod nams chen po'i zhing du gyur pa/ dkyil 'khor chen po mu stegs kyi gnas su gyur pa/ /kho ra khor yug tu la ba dang / ras dang / zab dar dang /
120b3 zar ma'i ras 'jam po dang / lha'i gos lha'i phye mas bsgos shing tsan dan gyis zhen par byas nas lha'i bdug pas bdugs pa dag bting ste/ mngon par sprul pa bzhin du byas nas me tog gi char mngon par phab nas lha'i rin po che du mas yongs su mdzes par byas nas/ bcom ldan
120b4 'das kyi seng ge'i khri 'bum bshams te lan sa ya phrag gsum bskor ba byas nas rang rang gi bla gos bcom ldan 'das kyi sku la gsol te/ bcom ldan 'das ga la ba de logs su thal mo sbyar ba btud nas phyogs gcig tu 'khod do/ /yang de'i tshe bdud kyi ris kyi lha mo mngon par
120b5 sdud pa zhes bya ba bdud kyi ris kyi lha mo 'bum phrag du ma dang lhan cig tu phye ma red kyi dus kyi tshe rang rang gi gnas nas byung nas/ bcom ldan 'das ga la ba der dong ste lhags nas rnga yab dang / rma bya'i mdongs lag na thogs shing / lha'i pheg dang / gling bu dang / bdug pa thogs
120b6 te/ lha'i me tog sil mas de bzhin gshegs pa la mngon par gtor nas sil snyan rnams brdungs te gar byed cing glu len no/ /lha mo de dag thams cad kyang theg pa chen po la sems dad cing rab tu dga' ba/ theg pa chen po la dad cing yid dge bar gyur pa sha stag ste/ bcom ldan
120b7 'das ga la ba de logs su thal mo sbyar ba btud nas/ bcom ldan 'das la lan gsum bskor ba byas te phyogs gcig tu 'khod do/ /yang de'i tshe lha'i bu mo chu shing lta bu zhes bya ba la sogs pa lha'i bu mo 'bum phrag du ma phye ma red kyi dus kyi tshe rang rang gi gnas nas byung nas/ bcom
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo