rKTs

e-texts navigator

Volume

Page

113a₁ @##/ /rgya gar skad du/ Ar+ya ma hA me g+ha nA ma ma hA yA na sU tra/ bod skad du/ 'phags pa sprin chen po zhes bya ba theg pa chen po'i mdo/ bam po dang po/ sangs rgyas dang / byang chub sems dpa' dang / 'phags pa nyan thos dang / rang sangs rgyas
113a₂ thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la gnas brtan 'od srung chen po la sogs pa dge slong sa ya phrag dgu dang brgyad 'bum gyi dge slong gi dge 'dun chen po thams cad kyang / dgra
113a₃ bcom pa/ zag pa zad pa/ dbang dang ldan par gyur pa/ nyon mongs pa med pa/ cang shes pa/ glang po chen po/ sems shin tu rnam par grol ba/ shes rab shin tu rnam par grol ba/ bya ba byas pa/ byed pa byas pa/ khur bor ba/ bdag gi don rjes su thob pa/ yang dag
113a₄ pa'i shes pas sems shin tu rnam par grol ba/ srid par kun tu sbyor ba yongs su zad pa/ tshul khrims shin tu rnam par dag pa/ sems kyi dbang thams cad kyi dam pa'i pha rol tu son pa/ mngon par shes pa/ mkhas par mngon par shes pa/ rnam par thar pa brgyad la bsam
113a₅ gtan pa sha stag dang thabs cig tu bzhugs so/ /de nas gnas brtan 'od srung chen po la sogs pa dge slong sa ya phrag dgu dang brgyad 'bum po de dag phye ma red kyi dus kyi tshe rang rang gi gnas nas byung nas bcom ldan 'das ga la ba der dong ste lhags nas/ bcom ldan 'das kyi zhabs
113a₆ la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das ga la ba de logs su thal mo sbyar ba btud de phyogs gcig tu 'khod do/ /yang de'i tshe skye dgu'i bdag mo chen mo gau ta mI la sogs pa dge slong ma sa ya phrag drug dang lnga 'bum yang
113a₇ phye ma red kyi dus kyi tshe rang rang gi gnas nas byung nas bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas bcom ldan 'das ga la ba de logs su thal mo sbyar ba btud de phyogs gcig

_{iiif viewer powered by OpenSeadragon}

112b - 113b

Texts on this page