| e-texts navigator |
| བོད་ཡིག |
112b1 pa brjod kyang mi snyems pa dang / nga rgyal du mi gzung bar bya ste/ bdag mi stod/ gzhan mi smod cing / des zang zing med pa'i sems kyis ri mor byas te chos bstan par bya'o/ /de nas bcom ldan 'das la lha'i dbang po brgya byin gyis 'di skad ces gsol to/ /bcom ldan 'das dog sa'i
112b2 phyogs gang du chos kyi rnam grangs 'di bshad pa'am/ bstan par 'gyur ba'i sa phyogs der chos kyi rnam grangs 'di mnyan pa dang / chos smra ba de la sman par bgyi ba'i slad du bdag cag dpung dang bcas 'khor dang bcas te mchi'o/ /bcom ldan 'das kyis bka' stsal pa/ kau shi ka legs so
112b3 legs so/ /khyod kyis de ltar gyis shig /kau shi ka khyod kyis de bzhin gshegs pa'i chos nyid yongs su bsrung bar bya'o/ /de nas bcom ldan 'das la byang chub sems dpa' sgrib pa thams cad rnam par sel bas gsol pa/ bcom ldan 'das chos kyi rnam grangs 'di'i ming ci zhes bgyi/
112b4 'di ji ltar gzung bar bgyi/ bcom ldan 'das kyis bka' stsal pa/ rigs kyi bu de'i phyir khyod kyis chos kyi rnam grangs 'di dkon mchog sprin ces bya bar zung shig /yon tan rin po che'i 'byung gnas kyi le'u zhes bya bar yang zung shig /ye shes sgron ma zhes bya bar yang zung shig /sgrib pa thams
112b5 cad rnam par sel bas kun dris pa zhes bya bar yang zung shig / bcom ldan 'das kyis de skad ces bka' stsal pa dang / byang chub sems dpa' sgrib pa thams cad rnam par sel ba yid dga' zhing byang chub sems dpa' de dag dang / nyan thos chen po de dag dang / brgya byin dang / tshangs pa dang /
112b6 'jig rten skyong ba dang / dbang phyug chen po dang / gnas gtsang ma'i lha'i bu la sogs pa/ lha'i bu brgya stong du ma dag dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong dag kyang bcom ldan 'das
112b7 kyis gsungs pa la mngon par dga'o/ /'phags pa dkon mchog sprin ces bya ba theg pa chen po'i mdo rdzogs so// //lo ts+tsha ba ban de rin chen 'tsho dang / chos nyid tshul khrims kyis bsgyur cing zhus te gtan la phab pa// //
iiif viewer powered by OpenSeadragon
Texts on this page
D231 - 'phags pa dkon mchog sprin zhes bya ba theg pa chen po'i mdo