rKTs

e-texts navigator

Volume

Page

110a₁ 'od zer de dag kyang kha dog sna tshogs/ gzugs sna tshogs/ snang ba sna tshogs can sha stag ste/ 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog ste/ de dag stong gsum gyi stong chen po'i 'jig rten
110a₂ gyi khams 'di la skor ba byed cing mun pa thams cad rnam par sel bar gyur te/ 'khor nas ga ya mgo'i ri la bskor ba byas/ de bzhin gshegs pa la yang bskor ba byas nas/ bcom ldan 'das kyi dbu'i gtsug tu nub par gyur to/ /rlung yang bde bar langs par gyur to/ /chos kyi rnam grangs
110a₃ 'di bshad pa dang / mchod pa mngon par 'du bya ba 'di byung ba'i tshe/ byang chub sems dpa' bye ba khrag khrig bdun cu rtsa gnyis kyis mi skye ba'i chos la bzod pa thob bo/ /srog chags bye ba khrag khrig brgya stong du ma yang chos rnams la rdul med cing dri ma dang bral ba chos kyi mig rnam par dag go/ /srog
110a₄ chags bye ba khrag khrig brgya stong du mas kyang sngon chad ma bskyed pa las byang chub tu sems bskyed par gyur to/ /de nas ga ya mgo'i ri la gnas pa'i lha mo mi 'chi ba zhes bya ba dpung dang bcas 'khor dang bcas te 'khor 'dus pa de nyid du 'dus shing 'dug 'dug pa las de stan las langs nas bdag gi
110a₅ gnas su song ste/ bcom ldan 'das kyi mchod pa blangs nas/ phyir bcom ldan 'das kyi spyan sngar phyin te/ bcom ldan 'das la bkur sti byas/ btsun pa byas/ ri mo byas/ mchod pa byas/ bsti stang byas/ rim gro byas so/ /bkur sti dang / btsun pa dang / ri mo dang / mchod pa dang /
110a₆ bsti stang dang / rim gro byas nas bcom ldan 'das la 'di skad ces gsol to/ /bcom ldan 'das tshe rabs gzhan de dang de dag la ga ya mgo'i ri 'di nyid du chos kyi rnam grangs 'di sangs rgyas stong phrag bdun cu rtsa gnyis kyis don 'di nyid dag dang / tshul 'di nyid dag dang / tshig dang yi ge 'di nyid
110a₇ dag gis bstan pa bdag gis mngon par dran no/ /bcom ldan 'das kyis bka' stsal pa/ mi 'chi ba de ltar khyod kyis dkon mchog 'byung ba de lta bu thos par gyur pa ni khyod kyis thob par bya ba legs par thob bo/ /de nas 'khor der tshogs pa'i nang na lha'i bu kha cig 'di snyam du sems par gyur te/

_{iiif viewer powered by OpenSeadragon}

109b - 110b

Texts on this page