rKTs

e-texts navigator

Volume

Page

109b₁ 'jig rten skyong ba brgya stong du ma yang mgo bos phyag 'tshal zhing thal mo sbyar ba byas te 'dud cing / bcom ldan 'das la me tog man dA ra ba dang / man dA ra ba chen po dag 'thor bar gyur to/ /lha'i bu brgya stong du ma yang nam mkha'i dbyings la gnas te/ gos g.yob cing ca co dang / ga zha brgya
109b₂ stong du ma byed par gyur te/ lha rdzas kyi me tog gis bcom ldan 'das la mngon par 'thor bar gyur cing / kye ma'o deng ni 'jig rten du sangs rgyas gnyis pa skyes par gyur te/ kye ma'o chos kyi 'khor lo gnyis pa bskor to/ /sems can gang gi rna lam du chos kyi rnam grangs 'di grag par
109b₃ gyur pa de dag kyang bsod nams dang ldan zhing dge ba'i las byed pa ste/ sngon gyi de bzhin gshegs pa rnams la dge ba'i rtsa ba rab tu bsags pa yin na/ gang 'di la dad pa rnyed pa de dag lta smos kyang ci dgos zhes de skad ces ched du rjod pa ched du brjod do/ /lto 'phye chen po brgya stong du ma yang
109b₄ chos kyi rnam grangs 'di nyid la chos kyi dgab pa bya ba'i phyir 'brug ltar sgra 'u ru ru 'byin/ sgrogs par byed shin tu sgrogs par byed cing / spos kyi sprin sna tshogs mngon par sprul te/ stong gsum gyi stong chen po'i 'jig rten gyi khams dang / ga ya mgo'i ri la spos chu'i char mngon par 'bebs kyang
109b₅ sems can rnams la gnod par mi snang ngo / /klu'i bu mo brgya stong du ma yang bcom ldan 'das kyi spyan sngar klu'i nga ro'i sgra 'byin par gyur to/ /dri za dang mi 'am ci brgya stong du ma yang snyan cing zab pa'i dbyangs kyis glu len cing ga ya mgo'i ri dang / stong gsum gyi stong chen po'i 'jig rten gyi khams
109b₆ la skor ba byed par gyur to/ /gnod sbyin bye ba khrag khrig brgya stong du ma yang pad ma'i char mngon par 'bebs par gyur to/ /bram ze dang / rgyal rigs dang / grong pa dang / yul gyi mi brgya stong du ma yang me tog dang / bdug spos dang / spos dang / phreng ba dang / byug pa dang / phye ma dang / na bza' dang /
109b₇ gdugs dang / rgyal mtshan dang / ba dan dag gis bcom ldan 'das la mchod pa byed par gyur to/ /sangs rgyas kyi zhing du ma dag nas kyang sangs rgyas bcom ldan 'das rnams kyis chos kyi dgab pa bya ba'i phyir so so'i smin mtshams kyi mdzod spu dag nas 'od zer mang po bkye bar gyur te/

_{iiif viewer powered by OpenSeadragon}

109a - 110a

Texts on this page