| e-texts navigator |
| བོད་ཡིག |
4a1 mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ 'dus byas thams cad mngon par 'dus ma byas pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan
4a2 du med pa la de bzhin gshegs pas chos bstan pa gang yin pa 'di ni ches ngo mtshar yin no/ /shA ri'i bu dper na 'di na skyes bu 'ga' zhig rgya mtsho dang bcas/ ri dang bcas rtswa shing dang chu dang bcas pa'i gling bzhi pa'i 'jig rten gyi khams 'di bteg nas sbrang ma'i
4a3 byin pa'i them skas las tshangs pa'i 'jig rten du 'dzeg par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/ gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka'
4a4 stsal pa/ shA ri'i bu de bas kyang 'di lta ste/ 'du byed thams cad mngon par 'dus ma byas pa dang / 'byung ba med pa dang / mtshan ma med pa dang / mtshan nyid med pa dang / 'dus ma byas pa dang / bstan du med pa la de bzhin gshegs pas chos bstan pa gang yin pa 'di
4a5 ni ches ngo mtshar yin no/ /shA ri'i bu dper na skyes bu 'ga' zhig gis rlung gis bsgul ba'i srad bus ri rab ri'i rgyal po gyen du bteg ste/ nam mkha' 'am bar snang la 'dzin par byed na/ shA ri'i bu 'di ji snyam du sems/ ji ga skyes bu de ngo mtshar byed pa yin nam/
4a6 gsol pa/ bcom ldan 'das ngo mtshar lags so/ /bde bar gshegs pa mchog tu ngo mtshar lags so/ /bka' stsal pa/ shA ri'i bu de bas kyang 'di lta ste/ 'dus byas thams cad 'dus ma byas pa dang zhes bya ba rgyas par bya ste/ de bzhin gshegs pas chos bstan pa
4a7 gang yin pa 'di ni ches ngo mtshar yin no/ /shA ri'i bu 'di ji snyam du sems/ ji ga gang gA'i 'bab chu chen po shin tu che ba dang / rgya che ba dang / gting zab pa dang / tshad med pa yin nam/ gsol pa/ bcom ldan 'das de lta lags so/ /bka' stsal pa/ shA ri'i bu gal te stong gsum
iiif viewer powered by OpenSeadragon
Texts on this page
D220 - sangs rgyas kyi sde snod tshul khrims 'chal ba tshar gcod pa zhes bya ba theg pa chen po'i mdo