rKTs

e-texts navigator

Volume

Page

295b₁ ro/ /gal te de dag yun ring po 'das nas brgya la brgya lam na mi'i lus thob na yang kha cig ni yan lag nyams par 'gyur ro/ /kha cig ni dran pa nyams par 'gyur ro/ /gdol pa'i rigs su yang skye bar 'gyur ro/ /g.yung po'i rigs dang / smyig ma mkhan gyi rigs
295b₂ dang / bkren pa dbul po'i rigs rnams su yang skye bar 'gyur ro/ /bza' ba dang btung ba'i longs spyod dang / yongs su spyod pa dag dang yang bral bar 'gyur la/ yang rgyu des na dge ba'i bshes gnyen dang bral nas lus dang / ngag dang / yid kyi las kyi sgrib
295b₃ pa mi bzad pa dag kun tu spyod par byed do/ /yang kha cig ngan song gsum po dang / mnar med pa dag tu yang gzhol bar 'gyur ro/ /rigs kyi bu de ltar longs spyod dang / nye bar spyod pa dang mi ldan pa'i sems can rnams 'khor bar yun ring du nyam thag par 'gyur ro/ /
295b₄ ngan song gsum po dag tu sdug bsngal mi bzad pa sna tshogs dag nyams su myong bar 'gyur ro/ /gsol pa/ sdug bsngal gang cung zad ci byung ba thams cad ni zas kyi rkyen las gyur pa lags te/ zas ma mchis na sdug bsngal 'byung ba yang ma mchis lags
295b₅ so/ /de nas de'i tshe brgya byin gzi brjid dri ma med pas tshigs su bcad de 'di skad ces gsol to/ /sred pa'i dug gis bsgyur bas na/ /ngu ba dang ni dgod par bgyid/ /nye bar gnas shing ltung bar bgyid/ /kun tu spyod cing rnam par rgyug /sa gzhi dag la
295b₆ til brdungs ltar/ /sdug bsngal 'khrul 'khor gnod par bgyid/ /lhar bcas 'jig rten thams cad la/ /de ltar sred pas gnod par bgyid/ /kye ma srid pa'i zhags pa yis/ /srid pa'i rtse mo'i mthar gtugs pas/ /de ltar zhags 'di rgya che ba/ /
295b₇ kha zas dag gi rgyu las byung / /so so'i skye bo rgyu gnyis kyi/ /sred pa'i rdul gyis yan lag bcings/ /zhags pas bcings pa ltar/ /'bros pa dag tu nus ma lags/ /lhar bcas 'jig rten sems can dag /sred pas gar bgyid rtsol

_{iiif viewer powered by OpenSeadragon}

295a - 296a

Texts on this page