rKTs

e-texts navigator

Volume

Page

295a₁ 'das thams cad kyis dgongs pa dang / byin gyis brlabs par yang brjod par bya'o/ /'dod chags dang bral ba'i sa la shin tu gnas par yang brjod par bya'o/ /de nas brgya byin gzi brjid dri ma med pa bcom ldan 'das ga la ba de logs su thal mo sbyar ba
295a₂ btud nas 'di skad ces gsol to/ /btsun pa bcom ldan 'das ci'i slad du 'tsho ba'i 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod par bgyid lags/ bka' stsal pa/ lha'i dbang po rgyu dang /
295a₃ rkyen gnyis kyis 'tsho ba'i 'jig rten 'dir klu dang / klu chen po rnams sems can rnams kyi longs spyod dang / yongs su spyod pa dag la gnod par byed do/ /gnyis gang zhe na/ 'dod chags kyi dbang dang / khro ba'i dbang gis dus ma yin pa'i sprin dag
295a₄ 'byung bar byed cing rdzi char dang / ser drag dag 'bebs par byed do/ /lhags pa dang / tsha ba dag 'byung bar byed do/ /des na 'dir sems can rnams kyi sa bon dang / myu gu dang / 'dab ma dang / me tog dang / 'bras bu dang / 'bru dang / sman dang / ro
295a₅ dag tshig par byed do/ /skems par byed do/ /'brul bar byed do/ /ma rungs par byed do/ /des na sems can rnams longs spyod dang / yongs su spyod pa dang mi ldan pas lus dang / ngag dang / yid kyis sdig pa'i las mi bzad pa rnam pa sna
295a₆ tshogs dag kun tu spyod par byed do/ /las kyi sgrib pa mi bzad pa des na sngon dge ba'i rtsa ba bskyed pa thams cad kyang sreg par byed do/ /skems par byed do/ /thal bar rlog par byed do/ /dge ba'i bshes gnyen dag spong zhing ngan song gsum po dag
295a₇ la gzhol bar byed do/ /kha cig gos dang / bza' ba dang / btung ba tsam gyi phyir tshe gcig gis de lta bur sdig pa'i las mtshams med pa dag gi bar du kun tu spyod par byed de/ de bskal pa mang po zhig gi bar du phyir mir skye ba 'thob par mi 'gyur

_{iiif viewer powered by OpenSeadragon}

294b - 295b

Texts on this page