rKTs

e-texts navigator

Volume

Page

285b₁ pa'i klu dang / klu'i rgyal po gang dag sgo nga las skye ba dang / mngal nas skye ba dang / drod dang gsher las skye ba dang / rdzus te skye ba'i klu de dag gang na bcom ldan 'das kyi 'khor nyan thos rnams dang / 'khor byang chub sems dpa' de dag la phan tshun byams pa'i sems dang
285b₂ ldan pa dang / yul 'khor der sha khon ma mchis pa'i sems kyis gnas par 'gyur lags so/ /gnod sems ma mchis pa dang / sems mnyam pas gnas par 'gyur lags so/ /gang dag yul 'khor de'i rgyal po de dag kyang / bcom ldan 'das
285b₃ kyi bstan pa la sems shin tu dad par 'gyur lags so/ /de dag bcom ldan 'das kyi bstan pa yang 'dzin par 'gyur lags so/ /dbang phyug gis rgyags pa dang dregs pas bcom ldan 'das kyi bstan pa 'jig par mi 'gyur lags so/ /dge slong dang / dge slong ma
285b₄ dang / dge bsnyen dang / dge bsnyen ma dag la 'tshe bar mi 'gyur lags so/ /btsun pa bcom ldan 'das kyi slad du rab tu byung nas skra bregs te gos ngur smrig bgos pa/ snod du gyur pa dang / snod du ma gyur pa lhag pa'i bsam pa can rnams kyang bcom ldan 'das
285b₅ kyi bstan pa 'dzin par bgyid lags so/ /gzhan yang yul 'khor de na gang dag mi rnams bcom ldan 'das kyi bstan pa de'i tsher mar gyur pa de dag chos dang ldan pas skrod par bgyid lags so/ /de nas yul 'khor der dge sbyong dang / bram ze bsod snyoms pa
285b₆ rnams la sngon gyi rgyal po dag gis sngon lhag pa'i bsam pas sbyin pa phul ba rnams rgyal rigs dge bas 'phrog par mi bgyid la/ rgyal rigs dge ba blon po dang / mdun na 'don dang / skye bo dmag mi rnams dang bcas pas tshogs sbyor ba ni don ched la brtson pa
285b₇ lags so/ /snying po blangs pa lags so/ /lag brkyang nas lhug par gtong ba lags te/ rgyal rigs dge ba de yul 'khor dang bcas par srung bar bgyi lags so/ /yongs su bskyang bar bgyi lags so/ /de'i yul phyogs na rtsod pa'i rnyog pa thams cad

_{iiif viewer powered by OpenSeadragon}

285a - 286a

Texts on this page