rKTs

e-texts navigator

Volume

Page

284b₁ go g+ha bi re dzra b+hu dza/ me ru b+hu dza/ ga tu ba b+hu dza/ hUM hUM/ a ne ba b+hu dza/ sma ra b+hu dza/ sma ra a brta b+hu dza/ ni ma ba b+hu dza swA hA/ btsun pa bcom ldan 'das sems can gang kha cig klu khro bo de dag gi rgyus gnod pa dag gis gnod pa bgyis par gyur pa de lta bu de dag gis bdag
284b₂ gi ming nas brjod par bgyi zhing / klu khro bo/ nga rgyal can/ dregs pa/ phrag dog dang / 'dod chags kyi sems zhi bar bgyi ba'i slad du gsang sngags 'don pa na bdag gis lha'i rna ba rnam par dag pa mi las 'das pas thos nas skye gnas bzhi pa'i klu dang / klu chen po
284b₃ dang / klu rgan po dang / klu'i bu dang / klu'i 'khor rnams dad par ma bgyis sam/ dus ma lags par don ched ya nga ba la zhugs pa dag ma bzlog gam/ de'i tshe dus ma lags pa'i char mo che dang / than chen dang / dus ma lags pa'i lhags pa dang / tsha ba
284b₄ dang / rlung dang / sprin dang / 'khrug pa dag rab tu zhi bar ma bgyis sam/ bdag gis bde ba'i yo byad thams cad kyis sems can de dag gi bsam pa dag yongs su rdzogs par ma bgyis na/ bdag gis dus gsum gyi sangs rgyas bcom ldan 'das thams
284b₅ cad bslus par gyur cig / bdag nyid kyang bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur cig /btsun pa bcom ldan 'das bdag gis sngon 'di ltar de bzhin gshegs pa mar me mdzad 'khor tshogs pa dang bcas
284b₆ pa'i spyan sngar sems can yongs su smin par bgyi ba'i slad du smon lam brtan por btab ste/ shin tu gnas par gyur lags so/ /de'i 'og tu yang sangs rgyas bcom ldan 'das sangs rgyas bye ba khrag khrig 'bum phrag snyed 'tsho zhing gzhes pa 'khor tshogs
284b₇ pa dang bcas pa'i spyan sngar smon lam brtan po 'di lta bu dag btab ste/ bdag gis der rtag par sems can yongs su smin par bgyi ba'i slad du pha rol gnon pa'i brtson 'grus chen pos shin tu brtan par gnas par bgyi'o zhes brtson par bgyis lags so/ /da ltar

_{iiif viewer powered by OpenSeadragon}

284a - 285a

Texts on this page