rKTs

e-texts navigator

Volume

Page

283a₁ gshegs pa dbang po'i tog gi rgyal mtshan rgyal po'i spyan sngar bdag cag gnyis kyis phan tshun dam bcas pa de bzhin du/ bdag cag gnyis kyi bsam pa yongs su rdzogs shing grub bo/ /de nas dpal lha mo chen mos 'di skad ces gsol to/ /btsun pa bcom
283a₂ ldan 'das de lta lags so/ /btsun pa bde bar gshegs pa de lta lags te/ skol gyi bsam pa rdzogs lags so/ /sngon skol gyis de bzhin gshegs pa dbang po'i tog gi rgyal mtshan rgyal po'i spyan sngar phan tshun dam bcas pa bzhin 'di ltar skol gyi bsam pa
283a₃ yongs su grub ste/ da ltar khyod nyid ni de bzhin gshegs pa ste 'jig rten du byung la/ da ltar bdag gis ni dpal gyi go 'phang thob pa lags so/ /da ltar bdag gis sems can rnams la sems can yongs su smin par rngo mi thogs par gyur pa de ci'i slad du zhe na/ 'di
283a₄ na klu glang po che lta bu dang / klu rta lta bu dang / klu sbrul lta bu dang / klu nya lta bu dang / klu sbal pa lta bu de dag dus 'dir yang bsgrub par bgyid lags so/ /bdag gis 'jig rten snang bar byed pa zab mo dag bstan pa na gang dag dus ma lags pa'i lhags pa dang / tsha ba
283a₅ dang / sprin dang / khug rna dang / rdzi char dang / char mo che dang / than chen dag 'byung bar bgyid pa/ sems can rnams kyi lo tog dang / lo ma dang / me tog dang / 'bras bu dang / 'bru dang / sman rnams ma rung bar bgyid pa'i klu dang / klu chen po de dag ma
283a₆ bskrad lags so/ /btsun pa bcom ldan 'das dus 'dir da ltar gling bzhi pa'i 'jig rten gyi khams 'di na klu dang / klu chen po dang / klu'i 'khor dang / skyes pa dang / bud med dang / khye'u dang / bu mo dang / gling bzhi pa 'di na gang kha cig klu'i skye gnas pa
283a₇ de dag thams cad da ltar 'dir mchis pa rnams dang / phyogs bcu'i sangs rgyas kyi zhing thams cad nas byang chub sems dpa' sems dpa' chen po de dag da ltar 'dus pa chen po 'dir mchis pa rnams dang / da ltar 'dir lha dang / klu dang / gnod sbyin dang / srin

_{iiif viewer powered by OpenSeadragon}

282b - 283b

Texts on this page