rKTs

e-texts navigator

Volume

Page

279a₁ can rnams bskal pa 'bum phrag snyed kyi bar du longs spyod par bya bar nus kyang / 'dir sems can rnams kyis longs spyod par mi nus so/ /de ci'i phyir zhe na/ sems can 'di dag ni bsod nams dang bral ba ste/ longs spyod dang nye bar spyod pa rgya chen po
279a₂ dag la longs spyod pa'i snod ma yin no/ /bdag gis ni sangs rgyas kyi zhing mi mjed 'di thams cad lha'i gzhal med khang rgya chen por sprul pa dang / lha'i gnas mal dang / rgyan dang / gos dang / lhab lhub dang / spos dang / me tog dang / phreng ba dang / 'bras
279a₃ bu dang / shing ljon pa dang / rol mo'i sgra dang / sil snyan dang / glu dbyangs dang / rin po che sna tshogs kyis brgyan pa dag tu sprul par nus kyang / 'dir sems can de dag bsod nams dang bral bas snod du ma gyur pa'i phyir longs spyod par mi nus te/ de bzhin gshegs
279a₄ pa dgra bcom pa yang dag par rdzogs pa'i sangs rgyas dang / byang chub sems dpa' sems dpa' chen po sa bcu pa de dag dang / dpa' bar 'gro ba'i ting nge 'dzin la dbang thob pa dag longs spyad par spyod pa ni ma gtogs so/ /bdag gis sems can gyi khams ma lus pa
279a₅ dag bsam gtan bzhi la snyoms par zhugs par gzhag par nus na/ 'di na klu khro bo zhes bya ba nas lus srul po khro bo zhes bya ba'i bar dag zhi bar bya ba lta smos kyang ci dgos/ 'di ltar bdag ni de bzhin gshegs pas ma gnang bar bdag gis rdzu 'phrul gyi yul
279a₆ dag bstan pa ni tshul dang 'thun pa ma yin te/ dper na 'khor los sgyur ba'i rgyal pos ma gnang bar blon po rin po che dang / khyim bdag rin po che dag gis dpung gi tshogs yan lag bzhi pa shom pa de ni gnas med do/ /de ci'i phyir zhe na/ byang chub sems
279a₇ dpa' sems dpa' chen po ma lus pa de dag thams cad ni de bzhin gshegs pa'i sras thugs las skyes pa/ gsung las skyes pa/ chos las byung zhing chos kyis sprul pa ste/ de'i phyir de bzhin gshegs pas ma gnang bar rdzu 'phrul gyi yul bstan par ni

_{iiif viewer powered by OpenSeadragon}

278b - 279b

Texts on this page