rKTs

e-texts navigator

Volume

Page

276a₁ rab tu nyams shing ngan song 'gro ba dang / /'khor ba shin tu bzod rlag chu bor ltung ba rnams/ /rab tu bsgral ba'i phyir ni nga yang spyod par byed/ /sbyin dang dul dang sdom pa rnam par spangs pa dang / /lha dang mi yi bde las rtag tu nyams pa dang / /dge ba'i
276a₂ bshes gnyen dag dang rtag tu bral ba rnams/ /de dag la ni bdag gis lam ston 'gyur bar bya/ /sems can nyon mongs pa yis btson rar rtag bcings pa/ /mgon med gyur pa mig ni rnam par nyams gyur cing / /lta ngan dag la chags pa sha dang khrag za ba/ /de
276a₃ dag dag par bya phyir nga ni spyod par byed/ /sems can re re'i don du mnar med spyod byed pa/ /de 'dra'i snying rje sems can rnams la bskyed par bya/ /ji ltar sems can re re de dag thar bya'i phyir/ /sdug bsngal bzod rlag bzod dka' bdag gis dang du blang / /bu cig nga yis byang
276a₄ chub spyod mchog spyad par bya/ /nyan thos dag gi shes pa btsal bar mi bya zhing / /rang sangs rgyas kyi shes pa'ang btsal bar mi bya ste/ /bla na med pa'i ye shes dag ni btsal bar bya/ /ji srid gang gA'i bye snyed sems can du ma dag /sdug bsngal dag las thar bar
276a₅ byas par ma gyur par/ /de srid byang chub mchog rab 'dir ni 'tshang mi rgya/ /phyi nas byang chub mchog rab de la reg par bya/ /bu cig khyod kyis sems can rnams la mtshungs par ni/ /snying rje 'di lta bu dag bskyed par byas nas kyang / /khyod kyis dge dang rtag tu ldan
276a₆ par byas pa rnams/ /byang chub mchog rab 'phags pa dag tu bsngo bar gyis/ /sems can nyon mongs me las rab tu thar bya'i phyir/ /sdug bsngal bzod rlag bzod dka' ba dag dang du long / /sbyin dang dul dang sdom pa dag la legs spyod cig /rdzogs sangs
276a₇ rgyas par 'gyur ba 'di ni the tshom med/ /gang tshe nga ni byang chub mchog ma thob pa na/ /de tshe khyod ni sems can rnams kyi sbyin por 'gyur/ /nga yis khyod ni byang chub mchog tu lung bstan nas/ /'di la dam bcas brtan por legs par gnas pa yin/ /rigs kyi

_{iiif viewer powered by OpenSeadragon}

275b - 276b

Texts on this page