rKTs

e-texts navigator

Volume

Page

274b₁ bar mi 'gyur ro/ /bud med du mi 'gyur ro/ /skye ba dman pa 'thob par mi 'gyur ro/ /yan lag nyams par mi 'gyur ro/ /lus dang / ngag dang / yid kyi spyod pa la 'khrul par mi 'gyur ro/ /sems can yongs su smin par bya ba'i phyir rang gi smon lam gyi stobs ma
274b₂ gtogs par sangs rgyas kyi zhing stong pa dag tu skye bar mi 'gyur ro/ /de rtag par sangs rgyas blta ba dang / chos mnyan pa dang / dge 'dun la bkur sti bya ba dang mi 'bral ba yin no/ /de shes rab dang / bsod nams dang / ting nge 'dzin dang / thabs mkhas pa dag gis
274b₃ sems can yongs su smin par byed pa nas yongs su mya ngan las 'das pa bla na med pa'i bar la 'jigs pa med pa dang ma bral ba yin no/ /dpal cho ga shes byang chub sems dpa' sems dpa' chen pos go cha chen po de lta bu bgos nas bsam gtan dang po'i pha rol tu phyin pa
274b₄ yongs su sbyong zhing slob pa na 'dod pa'i khams las yang dag par 'da' bar byed do/ /de bzhin du bsam gtan gyi yan lag rnams kyang shes par byed do/ /yan lag lnga dang ldan zhing yan lag lnga rnam par spangs pa yin no/ /de bzhin du rdzu 'phrul gyi rkang pa bzhis rtse ba
274b₅ mngon par shes pa yin no/ /sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan pa'i phyir sangs rgyas kyi zhing thams cad du glog lta bu'i shugs kyis 'gro ba la mkhas pa yin no/ /gang gis na sems can thams
274b₆ cad kyi lam gsum po las kyi lam dang / nyon mongs pa'i lam dang / sdug bsngal gyi lam dag skems par byed pa yin no/ /byang chub sems dpa' de ltar skems par byed pa'i phyir bsam gtan gyi pha rol tu phyin pa yongs su rdzogs par byed do/ /de bzhin du
274b₇ de'i pha rol tu phyin pa drug yongs su rdzogs par 'gyur zhing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /yang bcom ldan 'das kyis bsam gtan gyi pha rol tu phyin pa yongs su rdzogs par bstan pa na/ 'khor de na sems

_{iiif viewer powered by OpenSeadragon}

274a - 275a

Texts on this page