rKTs

e-texts navigator

Volume

Page

271a₁ 'phrul gyi rkang pa bzhis rnam par rtse ba mngon par shes pa yang yin no/ /sangs rgyas bcom ldan 'das de dag thams cad la mchod pa dang / bkur sti bya ba dang / dam pa'i chos mnyan pa'i phyir sangs rgyas kyi zhing thams cad du glog lta bu'i shugs kyis 'gro ba la mkhas pa
271a₂ yang yin no/ /sems can rnams kyi lam gsum po/ las kyi lam dang / nyon mongs pa'i lam dang / sdug bsngal gyi lam dag skems par yang byed do/ /'dod pa'i khams las yang dag par 'da' bar yang byed la/ 'dod pa'i khams dag gtong bar yang mi byed do/ /sems
271a₃ can thams cad yongs su smin par bya ba'i phyir 'gro ba sna tshogs kyi skye ba'i sa dag ston par yang byed la/ mngal gyi nyes pas gos par yang mi byed do/ /sems can rnams kyi nyon mongs pa'i dra ba gcod par yang byed la/ sems can rnams dmigs par yang mi byed do/ /dpal
271a₄ cho ga shes 'di la byang chub sems dpa' sems dpa' chen po dag dbugs rngub pa dang / dbugs 'byung ba phan tshun mi 'dra ba la ji lta ba bzhin rtog par yang byed la/ 'phral 'phral du de shes par yang mi byed do/ /dbugs rngub pa dang / dbugs 'byung ba'i gzugs nye bar len pa'i
271a₅ phung po dang / de bzhin du tshor ba dang / 'du shes dang / 'du byed rnams dang / de bzhin du dbugs rngub pa dang / dbugs 'byung ba'i rnam par shes pa nye bar len pa'i phung po dag la ji lta ba bzhin du yang rab tu shes shing dbugs rngub pa yang gzhan la/ dbugs 'byung ba yang gzhan no/ /
271a₆ dbugs rngub pa so so yang dag par rig pa yang gzhan la/ dbugs 'byung ba so so yang dag par rig pa yang gzhan no/ /dbugs rngub pa'i tshor ba dang / 'du shes dang / sems pa yid la byed pa yang gzhan la dbugs 'byung ba'i tshor ba dang / 'du shes dang /
271a₇ sems pa yid la byed pa yang gzhan no/ /dbugs rngub pa'i sems pa yang gzhan la/ dbugs 'byung ba yang gzhan no/ /gang gi tshe dbugs rngub pa so so yang dag par rig pa de'i tshe dbugs 'byung ba so so yang dag par rig pa ma yin no/ /gang gi tshe dbugs 'byung

_{iiif viewer powered by OpenSeadragon}

270b - 271b

Texts on this page