rKTs

e-texts navigator

Volume

Page

270b₁ 'jog par byed pa'o/ /sems can thams cad yongs su smin par bya ba'i phyir nyan thos kyi bsam gtan dang / ting nge 'dzin gyis rnam par rtse ba'i pha rol tu phyin pa ni de lta bu yin no/ /nyan thos gang dag gi bsam gtan gyi yan lag yongs su rdzogs par mi shes pa de dag ni khams
270b₂ gsum gyi btson ra'i gnas kyi yan lag lnga ma spangs shing yan lag lnga dang ldan pa yin no/ /gang dag khams gsum las yang dag par 'das pa/ mi slob pa'i sa la rab tu gnas pa/ rnam par thar pa brgyad la bsam gtan pas rnam par rtse ba/ mngon par shes pa pha rol
270b₃ tu phyin pa thob pa/ bskal pas nges par 'byung ba/ sangs rgyas bcom ldan 'das thams cad kyi zhal nas skyes pa/ chos dang ldan zhing chos kyi sprul pa de dag gis ni sangs rgyas bcom ldan 'das dag la mchod pa dang / bkur sti bya ba dang / chos mnyan pa'i phyir sangs
270b₄ rgyas kyi zhing gzhan dag tu 'gro bar yang mi nus la sems can gzhan dag dang / gang zag gzhan dag gi lam gsum po dag kyang bskam par mi nus so/ /gang na nyan thos bsam gtan gyis rnam par rtse ba mngon par shes pa dag ni de lta bu yin la/ yul 'khor de'i yon tan
270b₅ dang phan yon ni de lta bu yin te/ sngar ji skad gsungs pa lta bu'o/ /'dus pa chen po theg pa chen po'i mdo bco lnga pa ri'i snying po'i le'u las/ nyan thos mtshon pa ste dang po rdzogs so// //dpal cho ga shes de la ji ltar na byang chub sems dpa' sems dpa' chen po rnams
270b₆ dang / nyan thos dang / rang rgyal thams cad kyi bsam gtan gyi pha rol tu phyin pa yongs su sbyong ba thun mong du gzhag pa dang / gang gis byang chub sems dpa' sems dpa' chen po dag pha rol tu phyin pa lhag ma lnga po 'di dag yongs su rdzogs par byed ce na/ dpal cho ga shes byang chub
270b₇ sems dpa' sems dpa' chen po 'di dag dbugs rngub pa dang / dbugs 'byung ba thams cad du nye bar len pa'i phung po lnga po dag gi skye ba dang 'jig pa la rtog par byed de/ des na sred pa dang / chags pa dag skems par yang byed la nges pa la 'jug par yang mi byed do/ /rdzu

_{iiif viewer powered by OpenSeadragon}

270a - 271a

Texts on this page