rKTs

e-texts navigator

Volume

Page

270a₁ pa dang / snying rje la sbyor ba dang / snyan par grags pa dag ste/ ting nge 'dzin de lta bu dag dang ldan pa'i sbyin gnas snod du gyur pa/ mtho ris su 'gro ba'i yul 'khor de ni yon tan dang / phan yon chen po bcu po de dag gis rgyas par 'gyur ro/ /rang gi dpung dang / gzhan gyi
270a₂ dpung dang / chom rkun dang / mi rgod dang / dang / stag dang / sbrang ma dang / sha sbrang dang / phye ma leb dang / char ches pa dang / than ches pa dang / dus ma yin pa'i rlung dang / lhags pa dang / nyi mas gdungs pa dang / tsha ba'i reg pa dag gis gnod par mi 'gyur ro/ /
270a₃ yul 'khor de sa gzhi mnyam ste/ dgon pa dang gcong rong med do/ /tsha ba dang kha ba med do/ /de na sa bon sna tshogs dag 'phel lo/ /'bru dang / sman dang / rtswa dang / shing dang / shing ljon pa dang / chu dag phun sum tshogs shing chud mi za bar 'byung ngo / /de na me tog dang / sman
270a₄ dang / 'bru dang / ro rnams chud mi za bar phun sum tshogs par 'gyur ro/ /yul 'khor der yid du mi 'ong ba'i sgra dang / phyi dgra dang / nang 'khrug gi dpung dag dang / lo nyes dang / nad dang / dus ma yin pa'i nad dang / 'chi ba dag mi 'byung ngo / /de na sems can rnams tshe
270a₅ ring zhing kha dog dang ldan no/ /bde ba mang zhing sems la rnyog ma med do/ /rtse dga' dang mtshungs par ldan zhing chos spyod la mtho ris dag la gzhol lo/ /yul 'khor de na sbyin gnas snod du gyur pa dag rnal 'byor yid la byed pa dang 'thun par mngon par dga' ba dang
270a₆ bcas pas gnas so/ /de na bza' btung gi longs spyod ma tshang ba med do/ /'byung ba chen po yid du 'ong ba dag gis brtan to/ /dbang po dang khams dag rgyas shing mi 'thun pa med do/ /yul 'khor de na mi rnams dpa' zhing dran pa dang ldan la/ byams pa dang / snying rje dang
270a₇ ldan zhing mtho ris dag la gzhol lo/ /dpal cho ga shes yul 'khor de chos bcu po de dag gis legs par brgyan pa yin no/ /dpal cho ga shes byang chub sems dpa' rnams kyi las kyi sgrib pa ni 'di yin te/ theg pa chen po gtong ba dang / slu zhing nyan thos kyi sa la

_{iiif viewer powered by OpenSeadragon}

269b - 270b

Texts on this page