rKTs

e-texts navigator

Volume

Page

268b₁ shes pa dang / phung po dang / khams dang / skye mched thams cad la chu zla dang / mig yor dang / smig rgyu lta bu dang / glog lta bu dang / bdag po med pa dang / thams cad skad cig ma 'jig pa dang ldan par rtogs te/ de de ltar dga' ba dang / bde ba rab tu gtong bar byed de/ des
268b₂ der bsam gtan gsum pa yang thob pa yin no/ /gang du chos de dag 'phel bzhin du 'gog pa yid la byed pa'i sems kyis bsam gtan bzhi pa rdzogs par byas te gnas pa de la mtshan ma 'di dag 'byung ste/ des mig gnyis ka btsums kyang nyi ma'i snang ba chen po lta bur snang ba dag
268b₃ yang dag par lta bar byed pa na/ de 'di snyam du mtshan ma'i stobs snang ba'i rkyen las sems can thams cad kyi phung po dang / khams dang / skye mched dang / nyon mongs pa dang / nye ba'i nyon mongs pa rnam par 'phel zhing 'bar bas bdag gis ci nas kyang / yid la byed pa'i sems kyi
268b₄ dmigs pa'i snang ba dag dor bar bya'o snyam du sems so/ /de der de'i tshor ba dang / 'du shes dang / sems pa dang / reg pa gang yin pa yid la byed pa kun 'byung ba dag skye zhing 'jig pa dang / 'gog pa'i tshul gyis rab tu zhi bar byed la/ 'gog pa'i grong khyer shin tu
268b₅ yongs su dag par 'jug par yang byed do/ /de lus dang / ngag dang / yid la byed pa shin tu sbyangs pa la gnas so/ /yang de las kyang ldang ngo / /yang na dbugs rngub pa dang / dbugs 'byung ba'i mtshan ma dag 'dzin par byed la/ reg pa yid la byed pas mtshan ma la nye
268b₆ bar rtog par yang byed do/ /yang stong pa nyid kyi ting nge 'dzin la 'jug par yang byed la/ yang na dbugs rngub pa dang / dbugs 'byung ba'i skye ba dang / 'jig pa'i mtshan ma'i dmigs pa dag yang dag par lta bar yang byed do/ /smon pa'i ting nge 'dzin de la yang gnas la yang
268b₇ na dbugs rngub pa dang / dbugs 'byung ba'i zhi ba dang / 'gog pa la yang dag par lta bar yang byed do/ /mtshan ma med pa'i ting nge 'dzin la gnas pa de bzhin du dran pa nye bar gzhag pa bzhi bsgom pa yang yongs su rdzogs par 'gyur ro/ /de la rnam par thar pa gsum bsgom

_{iiif viewer powered by OpenSeadragon}

268a - 269a

Texts on this page