rKTs

e-texts navigator

Volume

Page

266b₁ pa'i gzings kyis skye ba'i rgya mtsho las bsgral bar bgyi'o zhes byang chub sems dpa' sems dpa' chen po de dag sbyin pa las byung ba'i bsod nams kun tu spyod par bgyi ba'i dngos pos/ sangs rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma
266b₂ mchis par dbang bskur ba rab tu thob par bgyid pa'i bar du'o/ /btsun pa bcom ldan 'das 'di na sems can rtag par smra ba 'di dag longs spyod dang / nye bar spyod pa rgya chen po dang bral la tshol khros sdug bsngal zhing nyam thag pa dag mchis te/ de dag tshul khrims rnam par
266b₃ bged pa ma mchis par yongs su smin par bgyid par rngo mi thogs pas/ 'dir sems can rtag par smra ba rnams la byang chub sems dpa' sems dpa' chen po de dag snying rje chen po dag skyed par bgyid cing / tshul khrims kyi go bgos pa'i gzings kyis sems can rtag par
266b₄ smra ba 'di dag skye ba'i rgya mtsho 'di las bsgral bar bgyi'o zhes byang chub sems dpa' sems dpa' chen po de dag tshul khrims las byung ba'i bsod nams kun tu spyod par bgyid pa'i dngos pos sems can rnams dge ba bcu'i las kyi lam gyis yongs su smin par bgyid pa dang / sangs
266b₅ rgyas kyi ye shes kyi rgya mtsho bla na ma mchis pa la 'jug par bgyid pa nas chos kyi rgyal po bla na ma mchis par dbang bskur ba rab tu thob par bgyid pa'i bar du'o/ /btsun pa bcom ldan 'das 'di na sems can gang dag phra ma dang / tshig rtsub po dang / chags sems dang / gnod
266b₆ sems kun du spyod pa'i yid kyis de dag 'jig tshogs la lta ba dang ldan zhing longs spyod dang / nye bar spyod pa dang bral la tshol khros sdug bsngal zhing nyam thag pa dag mchis te/ sems can de dag rab tu 'byung ba'i tshul khrims dang / sdom pa ma mchis par yongs su
266b₇ smin par bgyid par rngo mi thogs pas sems can phra ma dang / tshig rtsub po dang / chags sems dang / gnod sems kun tu spyod cing / 'jig tshogs la lta ba dang ldan pa yang ba spyod pa de dag la byang chub sems dpa' sems dpa' chen po de dag snying rje chen po dag skyed par bgyid

_{iiif viewer powered by OpenSeadragon}

266a - 267a

Texts on this page