| e-texts navigator |
| བོད་ཡིག |
265b1 gshegs pas thugs su chud pa'i chos 'dul ba dag thos na dga' ba dang mchog tu dga' ba rgya chen po dag rab tu thob par 'gyur ro/ /kun dga' bo 'di la bzhi gang zhe na/ dge slong lhag pa'i nga rgyal med pa can yin no/ /'jig rten rgyang pan pa dang ma 'dres pa yin no/ /gzhan dag la chos dag
265b2 pa ston pa yin no/ /dmigs pa dang ldan pa ma yin no/ /bdag tu mngon par zhen pa ma yin no/ /dge ba'i chos can tshul khrims dang ldan pa yin no/ /kun dga' bo chos bzhi po 'di dag dang ldan pa'i dge slong gis de bzhin gshegs pas thugs su chud pa'i chos 'dul ba dag thos na dga' ba
265b3 dang mchog tu dga' ba rgya chen po dag rab tu thob par 'gyur ro/ /bcom ldan 'das kyis de skad ces bka' stsal nas/ bde bar gshegs pas de skad gsungs te/ ston pas gzhan yang 'di skad ces bka' stsal to/ /dge slong nga rgyal med pa gang / /yang dag chos la rab gnas des/ /
265b4 zab pa'i chos dag thos nas ni/ /dga' ba mtshungs med des 'thob bo/ /chos nyid zab pa thob nas kyang / /yang dag chos la rab gnas pas/ /dman pa 'di ni rab bsgrags te/ /'jig rten rgyang pan sten mi byed/ /bdag med chos dag thos nas kyang / /gcig tu myur bar zhum mi
265b5 'gyur/ /zla ba yar gyi ngo ltar ni/ /de yi ye shes rnam par 'phel/ /bdag med chos dag thos nas kyang / /gang gi the tshom yod min zhing / /zla ba yar gyi ngo ltar ni/ /de yi ye shes rnam par 'phel/ /bcom ldan 'das kyis de skad ces bka' stsal nas/ dge slong de dag dang / lha dang / mi dang /
265b6 lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do// //de bzhin gshegs pa bgro ba zhes bya ba theg pa chen po'i mdo rdzogs sto// //rgya gar gyi mkhan po dz+nyA na gar b+ha dang /
265b7 lo ts+tsha ba ban de dpal gyi dbyangs kyis bsgyur cing / zhu chen gyi lo ts+tsha ba ban de dpal brtsegs kyis zhus te gtan la phab pa// //
iiif viewer powered by OpenSeadragon
Texts on this page
D229 - de bzhin gshegs pa bgro ba zhes bya ba theg pa chen po'i mdo