rKTs

e-texts navigator

Volume

Page

265a₁ nga rgyal can yin te/ lhag pa'i nga rgyal can des lhag pa'i nga rgyal med pa'i chos thos na skrag cing dngang la rab tu dngang bar 'gyur ro/ /g.yang sa chen por yang ltung bar 'gyur ro/ /des gting dpag med pa yang spong bar byed cing mi 'thun par smra la kun nas khro bar byed do/ /kun dga' bo
265a₂ gzhan yang dge slong de ni bdag tu mngon par zhen cing mtshams dral ba yin te kun dga' bo chos gnyis po 'di dang ldan pa'i dge slong ni sangs rgyas kyi byang chub spong bar byed cing mi 'thun par smra la kun nas khro bar byed do/ /kun dga' bo gzhan yang dge slong tshul khrims 'chal pa cho ga la log par
265a₃ zhugs pa yin te de tshul khrims 'chal pa dang ldan pas tshul khrims kyi gtam thos na zhum par 'gyur te kun dga' bo chos gsum po 'di dang ldan pa'i dge slong ni sangs rgyas kyi byang chub spong bar byed cing mi 'thun par smra la kun nas khro bar byed do/ /kun dga' bo gzhan yang dge slong dmigs par lta
265a₄ ba can bdag tu smra ba yin te des stong pa nyid kyi gtam thos na chags pa med pa la skrag cing dngang la rab tu dngang bar 'gyur te kun dga' bo chos bzhi po 'di dag dang ldan pa'i dge slong ni sangs rgyas kyi byang chub ni spong bar byed cing mi 'thun par smra la kun nas khro bar byed do/ /bcom ldan 'das kyis de
265a₅ skad ces bka' stsal nas/ bde bar gshegs pas de skad gsungs te ston pas gzhan yang 'di skad ces bka' stsal to/ /dge slong lhag pa'i nga rgyal can/ /ma thob thob pa'i 'du shes can/ /de ni des na ngas bstan pa'i/ /zab pa'i chos ni spong bar byed/ /'jig rten rgyang pan 'dres pa yi/ /dge
265a₆ slong chos smra gang yin pas/ /ngas bstan pa yi mdo zab pa/ /'di ni rab tu spong bar byed/ /bdag tu smra ba'i dge slong gang / /dmigs pa la ni rab gnas pas/ /bdag med chos dag thos nas kyang / /nga yi bstan pa spong bar byed/ /dge slong tshul khrims 'chal pa gang / /sdig pa'i chos can mi
265a₇ sdom pas/ /yo byad bsnyungs pa'i chos thos na/ /nga yi bstan pa spong bar byed/ /skyob pa shAkya seng ge nga'i/ /bstan pa shes rab 'chal pa yis/ /spangs nas kyang ni lus zhig nas/ /ngan 'gro rnams su skye bar 'gyur/ /kun dga' bo chos bzhi dang ldan pa'i dge slong gis de bzhin

_{iiif viewer powered by OpenSeadragon}

264b - 265b

Texts on this page