rKTs

e-texts navigator

Volume

Page

264a₁ dag gis ni 'dor bar byed/ /bye ma'i phung po ji snyed de/ /gang dag nga yis sngar bstan pa/ /de bzhin phyogs bzhi dag tu yang / /mi yis bye ma 'dor bar byed/ /sngar ni ji snyed bstan pa yi/ /de snyed bye mar gyur pa dang / /ji snyed bstan pa'i bye ma snyed/ /de snyed 'jig rten khams
264a₂ de dag / 'dir ni de dag thams cad kyang / /grong khyer gru bzhi gcig gyur la/ /skyes bu la la byung bas ni/ /grong khyer brtsigs pa de dag tu/ /rin po che yis bkang byas te/ /skyob pa sangs rgyas rnams la phul/ /sbyin de de dag la phul bas/ /'jig rten mgon po bsam mi khyab/ /rkang
264a₃ gnyis gtso bor gyur cig ces/ /byang chub mchog tu smon par byed/ /de ni byang chub nyid tshol la/ /mdo 'di dag ni mi tshol te/ /ngas bshad pa yi bgro ba dag /mdo 'di dag ni rnyed mi 'gyur/ /gang zhig mdo 'di tshol byed pa/ /de snyed bsod nams 'phel bar 'gyur/ /mang du thos pa
264a₄ kun dga' bo/ /'di las byang chub lhag par ni/ /bgro mdzad de bzhin dge slong dang / /dge slong ma dag ngas lung bstan/ /ngas bshad pa yi bgro ba 'di/ /gang dag tshol byed de dag gis/ /nga sngon bram ze khye'u de'i tshe/ /gang gis byang chub phyir lung bstan/ /de tshe thog mar byang chub
264a₅ phyir/ /gang la bsod nams ngas bskrun pa/ /mar me zhes bya bsam mi khyab/ /ye shes ldan chen mthong ba yin/ /gang dag 'di lung nod de dag /rdzogs pa'i sangs rgyas de mthong ngo / /rtag par sems can kun bde phyir/ /grangs med bdun brgya rdzogs pa ste/ /gcig kyang ma
264a₆ tshang med par ni/ /byang chub ched du ngas btsal lo/ /mang thos nga dang lhan cig tu/ /de dag gis kyang bsod nams bskyed/ /gang dag 'di ni lung nod cing / /byang chub mchog mar smon byed pa/ /de dag byang chub mi nyams shing / /de dag byang chub dkon pa med/ /gang dag ngas bshad
264a₇ pa yi mdo/ /'di ni gang dag lung nod pa/ /de dag sangs rgyas byang chub rgyu/ /nga yin te ni the tshom med/ /gang dag phyi ma'i dus de tshe/ /mi rnams kyis ni tshul 'di mthong / /phyi ma'i dus na dge slong dag /sangs rgyas bya ba byed par 'gyur/ /ngas bstan pa yi bgro ba dag /'di ni gang dag

_{iiif viewer powered by OpenSeadragon}

263b - 264b

Texts on this page