| e-texts navigator |
| བོད་ཡིག |
263a1 gang na sangs rgyas gang sgrogs rnams/ /gang dag mdo 'di 'dzin byed pa/ /de la thams cad srung bar mdzad/ /gang dag blta dka' chos spyod pas/ /sangs rgyas de dag dang mi 'bral/ /gang zhig 'di ni lung nod pa/ /de bzhin nyid la gnas par
263a2 'gyur/ /nga yis bgro ba bshad pa 'di/ /gang dag lung nod 'gyur ba rnams/ /de dag gi ni mdun na yang / /sangs rgyas bzhugs shing zhal yang ston/ /sangs rgyas bgro ba gsungs 'di ni/ /gang dag lung nod 'gyur ba yi/ /dge slong de dang de dag
263a3 rnams/ /nga yi chos srung skyong bar 'gyur/ /nga yis bgro ba bshad pa 'di/ /gang dag lung nod 'gyur ba rnams/ /de dag gis ni byang chub bzung / /sangs rgyas rnams kyi mtha' yas mdzad/ /sangs rgyas bgro ba dam pa 'di/ /gang dag lung nod 'gyur ba
263a4 rnams/ /sangs rgyas ye shes bla med la/ /de dag thams cad nges par gnas/ /sangs rgyas bgro ba dam pa 'di/ /gang dag lung nod 'gyur ba rnams/ /de dag gis ni bdud btul cing / /byang chub snying por gnas pa yin/ /sangs rgyas bgro ba de bzhin nyid/ /'di
263a5 ni gang dag lung nod pa/ /de dag gis ni bdud btul cing / /byang chub snying por gnas pa yin/ /bstan pa de yang gzungs de yin/ /ting nge 'dzin kyang bstan pa yin/ /sems can de dag 'di dag bstan/ /sangs rgyas bden pa gzhan mi 'gyur/ /gang gis
263a6 byang chub dag gi phyir/ /sangs rgyas 'di dag kun 'dod pa/ /des ni nga yis bshad pa yi/ /bgro ba 'di ni lung mnod bya/ /mi gang 'das pa'i rdzogs sangs rgyas/ /de dag lta bar 'dod pas ni/ /chos nyid ye shes chen po yi/ /bgro ba myur du lung mnod bya/ /
263a7 kha cig mdo 'di tshul la ni/ /spro bar byed pa de dag la/ /phyi dus tshe na nga yis ni/ /'di 'dra ba yi chos bshad bya/ /nga yi chos ni 'di 'dra dag /thos nas bzung ste mang du thos/ /de dag gis ni ting nge 'dzin/ /snang byed ces bya de ring thob/ /phyi ma'i dus na de dag
iiif viewer powered by OpenSeadragon
Texts on this page
D229 - de bzhin gshegs pa bgro ba zhes bya ba theg pa chen po'i mdo