| e-texts navigator |
| བོད་ཡིག |
261b1 tu g.yos te/ 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg /rab tu ldeg /kun tu rab tu ldeg go/ /de nas tshe dang ldan pa kun dga' bo de'i tshe stan las langs nas bla gos phrag pa gcig tu gzar te/ bcom ldan
261b2 'das la tshigs su bcad pas bstod pa/ gang zag mchog ma rnam 'dren rgyal ba'i mchog /rgyu ma mchis par 'dzum pa mi mdzad na/ /mgon po bde gshegs 'dzum mdzad rgyu gang lags/ /rgyal ba'i 'jig rten 'dzum mdzad rkyen gang lags/ /rgyal ba'i zhing 'di
261b3 'od kyis snang mdzad cing / /phyogs bcu 'di kun 'od kyis gsal mdzad pas/ /thugs brtser ldan pa 'dzum mdzad rgyu rkyen gang / /'jig rten phan mdzad bdag la bka' stsal gsol/ /sangs rgyas zhing 'dir gnas pa'i sems can gang / /bde dang nad med dga' zhing
261b4 rab tu rangs/ /'dod pa'i bde dang ting 'dzin bde ba dag /ri rab steng na gnas pa'i lha bzhin no/ /mgon po sems can dmus long kha cig dag /de tshe de dag mig gis gzugs rnams mthong / /sems can gang dag 'on par gyur pa rnams/ /de dag rna bas sgra yang
261b5 thos par gyur/ /sems can rnams kyis 'phral du gter rnyed cing / /bcings pa thams cad de ring thar gyur la/ /sbrum pa rnams ni bde zhing shis par btsas/ /de ltar rmad byung gda' ba ngo mtshar to/ /bdag gi rkang pa la ni me tog reg /yid du 'ong ba'i spos dang
261b6 phyogs su langs/ /sangs rgyas zhing rnams brgyan pas lha nger gda'/ /mgon po bde gshegs 'dzum mdzad rgyu gang lags/ /zla ba'i 'od dang nyi ma'i 'od kun dag /rgyal ba'i spyan snga na ni lha mer min/ /sangs rgyas zhing 'di thams cad gsal mdzad pa/ /ji
261b7 ltar dbang phyug dbang sgyur ji bzhin no/ /'di na sems can kha cig nad kyis thebs/ /gang dag nad pa nyam chung mthu chung ba/ /sems can mang po de ring nad med gyur/ /su yi mthu lags 'dir ni lung bstan gsol/ /der 'dzum mdzad pa ji 'drar gda'
iiif viewer powered by OpenSeadragon
Texts on this page
D229 - de bzhin gshegs pa bgro ba zhes bya ba theg pa chen po'i mdo