rKTs

e-texts navigator

Volume

Page

261a₁ mngon par 'dus byas nas kyang thams cad dang ldan pa'i 'khor gyi dkyil 'khor dag 'od kyis khyab par byas nas bdag nyid mi snang bar byas so/ /mi snang bar byas nas kyang tshe dang ldan pa shA ri'i bu la smras pa/ shA ri'i bus kho bo mthong ngam/ pad ma dpal gyi snying po
261a₂ khyod ma mthong ste/ khyod kyi sgra tsam zhig thos so/ /smras pa/ btsun pa shA ri'i bu ci sgra gang yin pa de pad ma dpal gyi snying po yin nam/ smras pa/ gzhon nu ma yin no/ /smras pa/ btsun pa shA ri'i bu pad ma dpal gyi snying po zhes bya brgyur byas nas ming du btags pa de ci zhig yin/
261a₃ smras pa/ pad ma dpal gyi snying po zhes bya ba'i ming de ni brdar btags pa'i tshig go/ /smras pa/ btsun pa shA ri'i bu ci brdar btags pa'i tshig la spyod pa 'ga' lta mchis sam/ smras pa/ pad ma dpal gyi snying po med do/ /smras pa/ btsun pa shA ri'i bu gang brdar btags pa'i tshig
261a₄ de ni tshig ma yin pa ste/ gang tshig ma yin pa de'i spyod pa ni rnam par rig pa ma yin pa ste/ de ni theg pa 'di la yang ma mchis/ theg pa gzhan la yang ma mchis/ de ni tshu rol na yang ma mchis/ pha rol na yang ma mchis/ gnyi ga'i bar na yang ma mchis pas de ni nges par mya ngan las 'das
261a₅ pa ste/ btsun pa shA ri'i bu byang chub sems dpa' rnams kyi spyod pa ni de lta bu lags so/ /de nas bcom ldan 'das de'i tshe 'dzum pa mdzad de 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de de'i tshe zhal gyi sgo nas 'od zer kha dog sna tshogs/ kha dog du ma
261a₆ 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu dag byung nas de dag gis 'jig rten gyi khams mtha' yas mu med pa dag 'od kyis khyab par byas nas/ tshangs pa'i 'jig rten gyi bar du song ste slar
261a₇ log nas kyang 'jig rten gyi khams tshad med grangs med pa dag 'od kyis khyab par byas te/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu mi snang bar gyur to/ /stong gsum gyi stong chen po'i 'jig rten gyi khams 'di yang rnam pa drug

_{iiif viewer powered by OpenSeadragon}

260b - 261b

Texts on this page