rKTs

e-texts navigator

Volume

Page

260b₁ zhes bya ba byin no/ /legs sa zhes bya ba byin nas kyang / tshe dang ldan pa shA ri'i bu la bka' stsal pa/ shA ri'i bu gang dang gang dris pa de dang de la mi gnas pa'i chos yang dag par bsgrags pa de dag ni phyir mi ldog pa'i rtags yin no/ /de nas tshe dang ldan pa shA ri'i bus gzhon nu pad ma
260b₂ dpal gyi snying po la 'di skad ces smras so/ /pad ma dpal gyi snying po khyod bcom ldan 'das kyis bla na med pa yang dag par rdzogs pa'i byang chub las phyir mi ldog par lung bstan to/ /de skad ces smras pa dang / gzhon nu pad ma dpal gyi snying pos tshe dang ldan pa shA ri'i bu la 'di skad
260b₃ ces smras so/ /btsun pa shA ri'i bu gal te bla na med pa yang dag par rdzogs pa'i byang chub las phyir mi ldog pa'i chos 'ga' zhig mchis na ni/ btsun pa shA ri'i bu 'di ltar kho bo de bzhin gshegs pas bla na med pa yang dag par rdzogs pa'i byang chub tu lung bstan par yang 'gyur ro/ /
260b₄ smras pa/ pad ma dpal gyi snying po khyod bdag bla na med pa yang dag par rdzogs pa'i byang chub tu mngon par rdzogs par sangs rgyas so snyam du mi sems sam/ smras pa/ btsun pa shA ri'i bu/ de lta ma lags so/ /de ci'i phyir zhe na/ btsun pa shA ri'i bu de lta na ni byang
260b₅ chub de ni ngar 'dzin par 'gyur ro/ /btsun pa shA ri'i bu de ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas so snyam pa ci zhig yod/ smras pa/ pad ma dpal gyi snying po khyod shAkya thub pa 'di da ltar bla na med pa yang dag par
260b₆ rdzogs pa'i byang chub tu mngon par rdzogs par sangs rgyas so snyam du de ltar mi sems sam/ smras pa/ btsun pa shA ri'i bu shAkya thub pa nyid kyi chos kyang mi dmigs na byang chub lta ga la zhig dmigs/ de ltar na shAkya thub pa 'di bla na med pa yang dag par rdzogs pa'i byang chub tu
260b₇ mngon par rdzogs par sangs rgyas so snyam pa ci zhig yod/ smras pa/ pad ma dpal gyi snying po khyod ci la spyod/ de nas gzhon nu pad ma dpal gyi snying pos de'i tshe rdzu 'phrul mngon par 'du bya ba de lta bu dag mngon par 'dus byas so/ /rdzu 'phrul mngon par 'du bya ba de lta bu dag

_{iiif viewer powered by OpenSeadragon}

260a - 261a

Texts on this page